Lungawilohna lut 76 tling

Nimin khan Ombudsman (Independent Civil bodies for the State of Mizoram) C. Lalthanmawia chuan a Pisa-ah thuthar thehdarhtute kawmin Ombudsman State of Mizoram chu Village leh Local Council te rorel dan leh kalphung bakah an hmalak dana sawiselna leh lungawihlohna te thlenna leh zualkona a nih thu sawiin,  a din tirh kum 2013 atanga nimin thlengin zualko 76 an awm tawh tih a sawi a. Ombudsman hnuaiah hian Village Council leh Local Council inrelbawlna a lungawilohna lut tawh zingah political party anga zualkona a lut hnem ber tih a sawi a, Criminal Case anga kalpui chi lut erawh ala awmlo tih a sawi bawk. Hei bakah hian Ombudsman hian a hnena complaint te chu a chhuifiah nan leh a chinfel nan Court of Civil Procedure, 1908 (Central Act V of 1908) hnuaiah Civil Court power pek a ni tih Ombudsman State of Mizoram chuan sawiin, zualko tawh te hi Village Council hnuaia inrelbawlna chungchang a nih deuh ber thu a sawi bawk.