Vigilance Secretary-in Serchhip a rawn tlawh

Mizoram sawrkar-a Vigilance Department changtu Secretary YLN Reddy chuan nimin khan Serchhip District rawn tlawhin DC Office-a Officer te nen an inkawm.
Vigilance Secretary hi Serchhip Bawrhsap Paul L. Khuma leh a thawhpui ten lo dawngsawngin Serchhip DC Meeting Hall ah an thukhawm a, Secretary YLN Reddy chuan sawkar Department ten mahni Department theuh ah mipuite lungawilohna thlenna leh chinfel dan tur, Grievance Redressal Mechanism an neih te leh District Administration anga an neih te chhinchhiah leh vawn that kawngah an chak lo fo thin tih sawiin, tha taka documentation siam a tul thu leh sawrkar laipuiah data thehluh a tul pawha an hman tangkai theih tur record tha an vawn a tul thu a sawi a. Mizoram State in Vigilance leh ITC lama hma an lakna leh an hmachhawp te a sawi bawk.

He thutkhawm ah hian  mipuite tana tangkai, awmze nei leh tha zawka hnathawh dan turte sawiho a ni a, SDC Vanthangpuia chuan Vantlang Viltu, CPGrams, Mipui Aw leh District Plan and Project Monitoring System (DPPMS) chungchang te a lem nen a sawifiah bawk.