Ramri hung chungchanga YMA ngaihdan zawt

Niminpiah khan New Delhi-a Ministry of Home Affairs Office, Kartavya Bhavan-ah Union Home Secretary hovin MHA Official te leh Central YMA hruaitute chu inkawmin Myanmar ramri hung chungchanga Central YMA ngaihdan zawh a ni a, Central YMA hruaitute chuan NGOCC thu ding lai angin ramri hung chuan Zofate inunauna a tihchhiat theih dawn avanga hung rih loh an duh thu sawiin, Mizoram State Assembly pawhin resolution a lo pass tawh thu te; Indo-Bangladesh ramri hungah Mizoram in nasa taka ram a chan dan leh khaw engemawzat hung pawna a awm dan te pawh an sawilang a. Indo-Myanmar ramri hung tura survey neih mek a nih laiin, ramri-a cheng mipui ten ramri hungin a ken tel tur an hriatloh thu leh eng angin nge a nghawng dawn tih inhrilhfiah a awm loh thu Central YMA hruaitute chuan an sawi bawk a ni.

Hei bakah hian 8th Schedule a Mizo tawng dah a nih theihna tura ngenna chu diltu 150-200 vel an awm avanga Committee dina ngaihtuah a nih tur thu leh AAI kuta Lengpui Airport hlan chungchang te pawh sawilan a ni bawk.