Tuirial Branch YMA-in Bomb hmangin Sangha man?
Tuirial Luia Bomb hmanga Sangha Mantute Ko
4206/2025-2026
Aizawl, 29th January, 2026 : Nimina Tuirial lui a bomb hmanga sangha man chungchang Director, Fisheries Department hnena report lut leh hemi chungchanga social media a lo lang chu Fisheries Department-in an bawhzui nghal a, report dawn a nih veleh District Fisheries Development Officer, Aizawl leh officer dang ten Tuirial hmunah an kal chilh nghal a ni.
An chhuinaah Tuirial Branch YMA hian Mizoram Fisheries Act 2002 Section 6 (1) (a) - ‘Geletine/ explosives hmanga sangha hman phal loh’ tih chu an bawhchhe ngei tih finfiah a ni a. Helai hmuna Department mi leh sa te an thlenthlak hian sangha tam zawk lo hralh zawh tawh a ni a, a bang awm ang ang te man sak nghal niin laboratory a enfiah a nih hnuah danin a phut angin hal ral a ni.
Koh an nih angin Tuirial Branch YMA hruaitute hi vawiin January ni 29, 2026 khan Director, Fisheries Department hmaah inlanin, Mizoram Fisheries Act 2002 Section 10 – Compounding of Offences tlawh chhanin pawisa chawitir an nih bakah tun hnuah hetiang thil hi thleng tawh lo tur leh Tuirial a sangha man leh zawrh kawngah pawh Mizoram Fisheries Acts in a phut anga mumal taka kalpui a nih theih nan Fisheries Department theihtawp a thawhpui tura intiamkam tir an ni.
Fisheries Department chuan kan luidung nungcha nasa taka suat thei - Tur, Ru, Bomb, Chinai leh Dynamo te hmang lo turin mipui an chah nawn leh a, hetiang tih ching te hi theihtawpa umzui a, hmalak zel an tum thu an sawilang nghal bawk a ni.
Mizoram Fisheries Act 2002 in luidung sangha leh nungcha man tur hian License neih ngei a ngai a tih angin, luidung nungcha man tur reng reng chuan an awmna District Fisheries Office ah license dil ngei turin mipuite Fisheries Department chuan a ngen a ni.
link : https://dipr.mizoram.gov.in/post/tuirial-luia-bomb-hmanga-sangha-mantute-ko
.jpeg)
.jpeg)
Comments
Post a Comment
I ngaihdan i sawi hian mipui ngaihdan i tarlang a ni!