Aizawl-ah Private Sector round table on Mizo Ginger cum Buyer Seller Meet neih a ni

Mizoram Agricultural Marketing (MAMB), International Fund for Agricultural Development (IFAD) leh Mission Organic Mizoram (MOM) tangkawp chuan nimin khan Aijal Club-ah ‘Private Sector round table on Mizo Ginger cum Buyer Seller Meet 2026’ an buatsaih.

Nimin-a he hun hman hi Horticulture Minister C. Lalsawivunga chuan hmanpuiin sawrkar chuan loneitute leh kuthnathawkte eizawnna tihhmasawna an dinhmun chawikan a ngaihpawimawh thu a sawi a. Mizoram-a kan thlai tharte hi chemical tel lo (organic) an nih avangin a quality a thain an hrisel bik thu a sawi a. NiTi Aayog-in Mizoram chu Ginger Capital of India-ah min puang chu lawmawm a tih thu pawh sawiin, Mizoram Sawhthing chu a quality a tha-in, a rim a tui bik vang a ni, a ti a. Kan rama kan tharchhuah thlai leh thildangte lei tura Mizoram pawn atang lokalte chungah lawmthu a sawi bawk.

Nimin-a Buyer Seller Meet-ah hian thawhhona thuthlung pahnih ziah niin heng te hi Ropuiliani Farmers Producers Company leh Kisaansay te inkarah Agreement ziakin, IRMA Iseed leh Mizoram Startup Mission te inkarah MoU ziah a ni a, he hunah hian India ram hmun hrang hrang atangin Investors leh Buyers lian tak takte an tel a ni.