Reiek tlang tlawhtu pung

Mizoram-ah Sairang thlenga Rel a lo luh atangin khualzin an pung nasa hle a, Reiek tlang tlawhtu pawh nasa takin an pung.

Reiek tlang-a Gate vengtu ten an chhinchhiah danin nikum December thla khan mikhual 17000 vel awmin ni chhuak en tur nitin mi 500 vel leh tlai ni tla tur en leh Puanin kaih a riak leh Home Stay a thleng engemaw zat an awm a, Reiek khua tlawh hrim hrim chhin-chhiah loh te nen mi 20,000 vel an tling a ni. Reiek Tlang Gatepui bul a Green Hill Restaurant neitu chuan Gate paltlang man hi mi pakhat tan puitling-ah Rs. 30 leh naupang-ah Rs. 20 a ni tih sawiin, motor 5/6 vel Service a awm tih a sawi a, Gate luhman atanga sum hmuh hi an khawtlang cheibawl nan hman thin a nih thu leh a panna kalkawng chhe lutuk chu Sawrkar in siam tha thei se an duh tih a sawi a, kawng a chhiat chuan lirthei hman man a to a, hei hian Tourist te a hnar phah a hlauhthawnawm niin a sawi bawk.

Reiek khawtlang chuan he tlang hi theihtawp a enkawlin chhungkaw engemawzat in eizawn nan an hmang tih an sawi a, Mikhual riahna leh chaw leh eitur bakah lirthei a hruai kual veltu te awmin sum engemaw zat an lalut tih an sawi a ni.