Lenkawl

Kum 2023 Mizoram State Assembly Inthlanpui-a Vote tla te chu nimin khan chhiar a ni ta a, Seat 40 awmna ah Zoram Peoples Movement (ZPM) chuan Seat 27 lain Party mal-a sawrkar siam thei turin hnehna an chang a, Rorellai MNF Party chuan Seat 10 lain Chief Minister leh Minister nilai engemaw zat an tling zo lo a ni.

 Assembly Inthlanpui 2023-a Serchhip District chhung Assembly Bial pathum-a Candidate ten Polling Station hrang hranga Vote an hmuh dan chu hetiang hi a ni :

Kum 2023 Mizoram Assembly Inthlanpui chu tlung taka neih niin nimin khan Vote tla te chhiar zawh a ni a, Bial hrang hranga Candidate te Vote hmuh dan chu hetiang hi a ni :

Nimin-a Mizoram Assembly Inthlanpui result puan takah MLA nilai mi 15 te chu tling lehin 13 erawh an tling zo lo a, MLA nilai mi pahnih erawh tun tumah hian an ding nawn lo thung a ni. Tun tuma MLA atana thlan thar mi 40 zinga mi 24 te chu MLA atana tum khat thlantlin an nihna niin Term kal meka Minister ni lai zingah mi pahnih- Lalchhandama Ralte leh Robert Romawia te chauh an tling nawn a ni.

Mizoram Assembly Inthlanpui 2023-ah an chak zawh loh hnuah Chief Minister Zoramthanga chuan nimin tlai dar 4:00 khan Mizoram Governor Dr. Hari Babu Kambhampati hnenah Chief Minister atanga a banna a thehlut a. Thuthar theh-darhtute zawhna chhangin MNF President Zo-ramthanga chuan an tlak chhan lian berah hripui leng vangah harsatna tam tak a sawrkar kaih-hruaiin an tawh vang a nih thu a sawi a, hripui leng chu eptu lam ten hmang tangkaiin sawrkar hnathawh thatloh tinreng an sawi a, hei hian mipuite rilru a hneh em em thu leh mipuite ah insawifiah an tumin a tam zawkin an awih zo lo tih a sawi a. Sawrkar dinglai paihthlak duhna lian tak mipui ah a awm vangin MNF chu an tla tih sawiin, mipui ten Congress leh MNF nilo sawrkar hmuh hrim hrim an chak vang a nih thu a sawi bawk a. ZPM chu a nawlpuiah mipuiah an tlak nat avangin khawpui zawng zawng pawh an la vek niin a sawi bawk. MNF President chuan MNF chu an tlak hnuah nasa takin an thochhuak thin tih a sawi bawk.

Mizoram Assembly Inthlanpui neih a Serchhip District chhung Assembly Bial pathum-a Candidate hrang hrangte Vote hmuh dan chu hetiang hi a ni :

Serchhip District chhung Assembly Bial pathum a Vote tla te chu tukin dar 8:00 atang hian chhiar a ni dawn ta.

Inrinni khan Serchhip Vengchung Pastor Bial KTP aiawhin Serchhip Bazar Branch KTP te chuan Serchhip District Hospital Blood Bank-ah thisen Unit 15 an pe a, thisen petute hi mipa 11 leh hmeichhia 4 an ni. Kumin a Serchhip Vengchung Pastor KTP Conference chuan thisen pek hi relin hemi bawhzuina atana AVBD ten ruahmanna an siam angin an Bial chhunga KTP Branch 5 ten thisen hi an in pek chhawk a ni.

Mizoram pum huap Catholic Phalai Pawl Inkhawmpui chu nimin Pathianni hmang khan St. Peter the Apostle’s Parish Chhingchhip-ah neih a ni. He Inkhawmpui hi Zirtawpni atang khan neih niin Flag pawhpharhna leh Inkhawmpui neihna tur Pandal ‘Mithianghlim Petera Run’ hawnna neih a ni a. Mass Inkhawm leh Palai lawmna Inkhawm neih zui niin thupui thlan bik hrang hrang hmangin Speaker-te'n thu an sawi a. Aizawl Bishop CSC Most. Rev. Stephen Rotluanga chuan Inkhawmpui hi a hmanpui a ni. Inrinni khan he khawmpui-ah hian Cultural Day hman niin Thupui thlanbik chi hrang hrang hmangin thusawi ngaihthlak a ni a. Hei bakah hian DCTP hnuaia Social Action Sub Committee hmalaknain a thlawna inentirna buatsaihin Specialist Doctor 12 bakah Ran Doctor rawn tur an awm a, Damdawi a thlawn a sem niin Ui a hri danna pawh a thlawn a pek nghal a ni.

Seventh-day Adventist (SDA) hnuaia thalai pawl, Adventist Youth Federation (AYF) Ser-chhip Circle ‘Year End Meet’ chu Inrinni leh nimin Pathianni-ah khan Khumtung SDA Biak In-ah neih a ni a, AYF Serchhip Circle hnuaiah hian Adventist Youth Ministry (AYM) 8 awmin Serchhip bakah Chhiahtlang, Khumtung, Baktawng, Chhingchhip, Hualtu leh Biate te a huam a, heng khua bakah North Vanlaiphai leh Rawpui atangin palai an tel bawk a ni.