Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip District-ah Vote tla te chhiar a ni dawn

Serchhip District chhung Assembly Bial pathum a Vote tla te chu tukin dar 8:00 atang hian chhiar a ni dawn ta.

Kumin Mizoram Assembly Inthlanpui Nov. 7-a neih a Serchhip District-a Vote tla te chu tukin dar 8:00 atang hian Serchhip DC Complex-a Counting Centre-ah chhiar a ni dawn ta a, nimin khan Vote chhiar tura ruat Counting Official te 2nd Randomization neih niin an Duty-na tur Assembly Bial thlan fel a ni a, tukin dar 5:00 hian 3rd Randomization neih leh tur niin hetah hian Counting Official te thutna tur Dawhkan chu Observer te enpuina hnuaiah khawl hmanga thliar leh tur a ni dawn a ni.

Hetianga Counting Official Randomization neih a nih hnu tukin dar 7:00 hian Vote thlakna khawl, EVM te vawnthatna hmun (Strong Room) chu hawn a ni anga, hemi hnu zing dar 8:00-ah Postal Ballot-a Vote tla te chhiar tanin hemi atanga darkar chanve a liam hnuah EVM-a Vote tla te chhiar zui a ni anga, Bial pakhat hi Round 4 zela zawhfel theih tur niin chawhma lamah Vote tla te hi chhiar zawh hman beisei a ni bawk a. Assembly Bial tina Polling Station 5-a VVPAT chu chhiar a nih dawn avangin hun hi duh rei deuh hlek tura ngaih a ni bawk.

Tun tum Inthlanpui-a Candidate te Vote dan hi mipuite hnenah rang taka puangchhuak thei turin ruahmanna siam a ni a, LENKAWL pawhin a theih ang angin Inthlan result hi rawn tihchhuah kan tum dawn a ni.

Comments

Popular News (Last 30 Days)