MLA nilai 15 tling leh

Nimin-a Mizoram Assembly Inthlanpui result puan takah MLA nilai mi 15 te chu tling lehin 13 erawh an tling zo lo a, MLA nilai mi pahnih erawh tun tumah hian an ding nawn lo thung a ni. Tun tuma MLA atana thlan thar mi 40 zinga mi 24 te chu MLA atana tum khat thlantlin an nihna niin Term kal meka Minister ni lai zingah mi pahnih- Lalchhandama Ralte leh Robert Romawia te chauh an tling nawn a ni.

Mizoram Assembly term kallai-a Minister engemaw zat chu tun tumah hian an tling zo lo a, tling lo zingah hian Chief Minister Zoram-thanga leh Deputy Chief Minister Tawnluia bakah Minister R. Lalzirliana, Dr. R. Lalthangliana, C. Lalrinsanga, K. Lalrinliana, Lalruatkima, Er. Lal-rinawma leh TJ. Lalnuntluanga te an tel a. Assembly Speaker atanga bang ta Lalrinliana Sailo leh Deputy Speaker nilai H. Biakzaua te pawh tling lo zingah hian an tel a ni.