Lenkawl

State pawn atanga Serchhip District-a rawn haw te chu khunghran chhunzawm zel an ni a, niminpiah-a BSF Sipai 40 te Eklavya Model Residential School-a khunghran an nih hnuah nimin khan mi 6 khunghran belh leh niin heng te nen hian Serchhip District-a sawrkar hmunhma a khunghran mi 92 an awm mek a ni.

Village Council inthlanpui neih zawh a nih hnuah Serchhip khawpui chhung Village Council Area hrang hranga thlantlin te chuan nimin atang khan Executive Body siam turin hma an la tan nghal a, VC Area thenkhat ah chuan VC Executive Body hi siamfel mai theih ni tura a lan laiin VC Area thenkhat ah erawh chuan tlema buaipui ngai deuh te a awm dawn niin a lang. Tuna VC dinglai te hun hi September 7 thleng khi ala awm a, hemi hma hian VC atana thlan thar te hian Executive Body an siamfel a ngai dawn a ni.

Niminpiah-a Serchhip District chhung VC 54-a inthlanna neih zawh taka Vote tlak dan chu hriatchian theih a ni ta a, he inthlanna ah hian Vote nei mi 47,070 atangin mipa 18,547 leh hmeichhia 19,394, an vaiin mi 37,941 ten Vote an thlak a, Vote nei zawng zawng atanga chhutin zaa 80.61 ten Vote an thlak a ni. Serchhip District chhung VC hrang hrangte zingah Buangpui VC-ah Vote tla tha berin Vote nei 301-ah mi 284 ten Vote thlakin Vote 94.35% a tla a, Hriang-tlang VC-ah Vote 93.47% tlain Thenzawl Veng-thar VC-ah 92.50% a tla bawk.

By-Election ah MNF chak

Mizoram District 9-a Village Council (VC) leh Local Council (LC) inthlan Vote thlak tluang taka neih a nih hnuah result te chhiar zawhfel a ni tawh.

Niminpiah khan Mizoram-ah COVID-19 hri kai mi 29 zet hmuhchhuah leh niin Mizoram-a hri kai hmuhchhuah chuan sang khat a tling ta.

Karleh Thawhlehni, September 1 atanga Mizoram Legislative Assembly thutkhawm vawi 6-na nei turin inbuat- saihna tluang taka kalpui mek a ni a. Hripui len laia thutkhawm neih tur a nih avangin ruahmanna hrang hrang siam belh niin Member te pawhin Dawhkan an intawm dawn lo bawk.

Mizoram District 9-a Local Council leh Village Council inthlanpui nei tura State Election Commission in ruahmanna a siam angin nimin khan Serchhip District-a VC 54-ah pawh inthlanna hi neih a ni a. He inthlanna a Vote tla te hi nizan khan chhiar nghal niin rorellai MNF chuan VC 54 zinga VC 34-ah hnehna an chang a ni.

 Enkawlna tum sak dawn