Lenkawl

Cement tam zawk lakluh rel

Mizoram-a PHE Department Officers in-zawmkhawm, All Mizoram PHE Officers (AMPO) chuan COVID-19 hrileng avanga rampuma inkharkhipna (lockdown) kalpui a nih mek laiin Mizoram puma PHE Department Division hrang hrangah a tul apianga hman turin sum a sem chhuak.

Rampum-a Lockdown kalpui mek a nih avanga India hmarchhak-a Mizoram mi leh sa te hruaikir hna thawh mekah Serchhip District a hruaikir tur mi 17 te chuan Serchhip an rawn pan mek nia thudawn a ni a, nizan lam khan Assam atangin mi 5 rawn thleng hman tura beisei an ni a, heng mite hi an hriselna dinhmun enfiah a nih hnuah Bukpui-a P&E Rest House-ah ni 14 chhung khunghran nghal tur an ni ang.

Nikum (2019) khan Serchhip District-ah Malaria hrik pai hmuhchhuah mi 23 awmin kumin ah mi pakhat hmuhchhuah a ni tawh bawk a, nikum leh kumin hian Serchhip District-ah Malaria vanga nunna chan an awmlo.

BJP Mizoram Pradesh Central Scheme Monitoring & Vigilance Cell chu nimin khan Aizawl-a BJP Office-ah thukhawmin COVID-19 avanga sawrkar laipui atanga sum lo kal dan an thlirho a. Central Sawrkarin miharsa zawkte tana buhfai leh eirawngbawlna Gas thla thum (3) chhung a thlawn a min pe te, loneitu in register te, kum upa leh PMJDY hnuaia hmeichhia account nei ten a thlawna sum an dawng te chu lawmawm an tih thu an sawi. He hunah hian MGNREGS (Ni 100 inhlawhna) Material Component chungchang ah VEC hriatpuiloh a Block Employment Council (BEC) kaltlanga hna sem ah induhsakna uchuak a awm thin nia thu an dawn chu ngaihtuahin, MNF VC neihna ah VEC kutah dah niin MNF VC lohna ah BEC atanga hna sem kual anih thin thu an sawi a.MGNREGS inhlawhna sum lo kal hi rualkhai taka dawn a nih theih nan VEC (Village Employment Council) te kut-a dah vek thin chu an duh thu an sawi a, a tul angin sawrkar laipui lamah bawhzui nise an ti bawk.

Kolkata AMRI Hospital-a Cancer avanga enkawl mek Mizo zingah COVID-19 positive hmuhchhuah thar an ni.

Nimin khan Chief Minister, Zoramthanga hovin Vegetables and Fruits Supply Chain chungchanga hmalakna te thlirhona neih a ni.

COVID-19 dona leh mi harsate tanpuina turin Chief Minister’s Relief Fund-ah cheng nuai 724 chuang lut tawhin cheng nuai 548 chuang semchhuah a ni tawh bawk.

Nimin khan Chief Minister, Zoramthanga hovin Home Department hotute leh Assam Rifles bakah BSF hotute chuan COVID-19 hripui leng mek kara State chhung a him theihna tura International leh Inter-State Border a venhimna hna kalpui mek thlirhona leh hmalak zui zel dan tur sawihona an nei.

Mizoram Pradesh Congress Committee (MPCC) Media Department chuan Mizoram sawrkarin Personal Protective Equipment (PPE) a lei danah thil fello tam tak a awm avang leh PPE thalo tam tham tak lei chungchang chhuichian a nih theih nan nimin khan Anti-Corruption Bureau, Aizawl-ah FIR an thehlut.