Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

PHED in tanpuina sum sem

Mizoram-a PHE Department Officers in-zawmkhawm, All Mizoram PHE Officers (AMPO) chuan COVID-19 hrileng avanga rampuma inkharkhipna (lockdown) kalpui a nih mek laiin Mizoram puma PHE Department Division hrang hrangah a tul apianga hman turin sum a sem chhuak.
AMPO in PHE Department Division hrang hranga sum a sem hi PHE Serchhip WAT-SAN Division-ah pawh Rs. 27,900/- rawn pe in he sum hi nimin khan PHE Serchhip WATSAN Division-a Sr. EE, Er. F. Lalsanglura chuan an Division huamchhung ah semchhuakin Serchhip Sub-Division-ah Rs. 7200/- hlan a ni a, a bak Sub-Division dang E. Lungdar leh Tlungvel Sub-Division-ah Rs. 6900/- ve ve hlanin, Division Office tan Rs. 6900/- a hlân nghal bawk a, anni hian an hnathawhnaa tul leh pawimawh an tih apiangah he sum hi an hmang dawn a ni.

Comments

Chhiar Hlawhte