Latest News

Nikum leh kumin ah Malaria vanga nunna chan awmlo

Nikum (2019) khan Serchhip District-ah Malaria hrik pai hmuhchhuah mi 23 awmin kumin ah mi pakhat hmuhchhuah a ni tawh bawk a, nikum leh kumin hian Serchhip District-ah Malaria vanga nunna chan an awmlo.
Serchhip CMO Office atanga thu kan dawn danin sawrkar in ruahmanna a siam angin Serchhip District-ah Malaria laka mipuite an him theihna turin nasa taka hmalak mek zel a ni a, nikum (2019) chhung khan Serchhip District-ah mi 14984 te thisen enfiah atangin Malaria hrik pai mi 23 hmuhchhuah niin heng te hi PF mi 20 leh PV mi 3 te an ni a, heng te hi tha taka enkawlna pek niin Malaria vanga nunna chan an awm lo a. Kumin (2020)-ah pawh March thla thleng khan mi 2881 te thisen enfiah atangin Malaria hrik pai hmuhchhuah mi 1 awmin hei hi PV a ni a, nunna chan an awmlo bawk.
Serchhip CMO Office-a thawktute chuan Serchhip District-ah DDT chu kumin hian kah a ni dawnlo tih sawiin, Malaria laka mipuite an him theihna tura Damdawi hmanga Thoseilen chiah erawh kalpui leh a ni dawn thu leh Thosilen pawh sem leh a ni dawn tih an sawi a. Damdawi hmanga Thosilen chiah sa hi Serchhip District chhunga khaw 19-ah sem tura ruahman niin tunah hian Thosilen semna tur khua hi tihfel a ni tawh a, hei bakah hian damdawi hmanga Thosilen chiah pawh May thla atanga kalpui leh tura ruahman niin Thosilen semna nilo khua ah te phei chuan nasa zawka kalpui tum a ni.

Comments

Popular News (Last 30 Days)