Lenkawl

Mizoram sawrkar chuan thuchhuah siamin sawrkar ruahmanna siam anga quaratine zawmtute chungah lawmthu a sawi.

Mizoram sawrkar in Lengpui Airport a khar rih tak avangin khualzin tangkhang ten harsatna an tawhlohna turin tura hmanna siam a ni.

Nizan atang khan Lengpu Airport chu tiamchin awm lova khar a ni.

Mizoram a COVID-19 test theihna tur Laboratory din tura hmalakna kal zelah nimin khan Core Committee on Setting up of COVID-19 Testing Laboratory in Mizoram chu din a ni.

Serchhip bialtu MLA, Lalduhoma chuan Serchhip bial chhunga Village Level Task Force on COVID-19 te hnenah Rs. 10000/- theuh a hlan.

Nimin khan Serchhip-ah District Level Task Force on COVID-19 chu an Chairman, H. Dolianbuaia, MCS, District Magistrate hovin an thukhawm a, COVID-19 laka mipuite himna tura hmalakna leh in enkawl dan chi hrang hrang te an rel.

Mizoram Governor, PS. Sreedharan Pillai chuan Covid-19 leng mek avangin Mizoram mipuite chu chiai lo turin a chah a, naktuk (March 22, 2020)-a neih tura Prime Minister thupuan, 'Mipui Curfew' chu tha taka zawm vek turin mipuite chu a sawm bawk.

Tunlai-a hi leng mek, Coronavirus avangin Mizoram Upa pawl (MUP) chuan Serchhip a an Office chu April 15, 2020 thleng an khar dawn.

UPC (NEI) Serchhip Pastor Bial chuan tunkar Inrinni zan atangin thu leh awm hma chuan an Bial chhunga an Biak In hrang hrangte khar nise an ti.

Coronavirus (COVID-19) laka mipuite himna tura Kut silna tur hmun chu nimin khan Serchhip Bazar-ah siam a ni. Serchhip-IV Village Council leh Serchhip Kawnpui South NGO Coordination Committee Meeting in COVID-19 chungchang ngaihtuaha meeting an neih tuma an rel angin he Kut sil theihna tur hmun siam a ni a, helai hmunah hian tui lirte 1000 dawng tur Tuizem dah nghal niin kut-a khawih lova kut sil theihna turin ruahman a ni a, tui litre 1000 dawng tuizem dah tura ruahman niin Vawiin ah hman tan theih beisei a ni.