Lenkawl

Serchhip District chhung Sialsir khuaa Lalnunsanga (60) s/o Lalthianga chu nimin khan a lo vahna ah thi-a hmuh niin thing in a delhhlum nia rin a ni.

Siaha-a Inter-District Volleyball Championship khelh mekah Serchhip District aiawha kal Mipa Team chuan Semi Final lut tawhin Vawiin hian Semi Final-ah Champhai District an hma-chhawn dawn a. Hmeichhe Team chuan nimin khan Champion lai Kolasib chu Quarter Final ah hmachhawnin a vanduai zawkah tangin Semi Final an thleng zo lo thung.

Serchhip District-a Jal Jeevan Mission kalpui dan tura thil pawimawh leh hriattur pawimawh hrang hrang inzirtirna chu nimin khan Serchhip-ah neih tan a ni.

Thla thar February ni 12 atanga Serchhip-a International Paragliding Accuracy Championship-2020 neih tur atan inbuatsaihna kalpui mek niin nimin khan Traffic leh Security chungchanga thil pawimawh sawihona neih a ni.

Serchhip-a District Fisheries Development Officer (DFDO) Office buatsaihin nimin khan Serchhip-ah Sangha chi, Common Carp tharchhuah dan tur inzirtirna leh sawihona neih a ni.

Ni 3 chhung awh tur, ‘Children's Film Festival 2020’ chu nimin khan Aizawl Vanapa Hall ah neih tan niin Art & Culture Minister, R. Lal-zirliana chuan a hawng a ni.

MZP chuan nimin khan Aizawl khawpui chhung hmun hrang hrangah Dan lova Mizoram a Hnamdang awm te dapchhuah hna thawkin ILP neilo mi 70 vel man an ni.

Information & Public Relation Department buatsaih, Mizoram Art and Photo Festival chu nimin khan Aijal Club Park-ah I&PR Minister, Lalruatkima chuan a hawng.

Mizo Students’ Union (MSU) General Hqrs. chuan hun rei tak chhung hma an lo lak tawhna, Mizoram University Southern Campus, Lunglei hmuna din a ni tur leh Tuikuk-te Tripura-a an awm nghehna tura inremna siam a ni ta lawmna chu nimin khan buatsaihin Chief Minister, Zoramthanga chuan a hmanpui a ni. Aizawl Chanmari YMA Hall-a heng thil pahnih lawmna hun an buatsaih ah hian Chief Minister, Zoramthanga chuan Sawrkarin zirna ngai pawimawhin, ram hmasawn chho zelah zirna pawhin hma sawn ve zelin, zirna In sang mamawh belhna a len tak hle thu a sawi a. Mizoram University Southern Campus Lunglei a neih phalna sawrkar laipuiin a rawn pe ta chu a lawmawm hle a ni, a ti. |halai ten Nationalism awmze dik tak an hriat a tul thu sawiin, “Vai huat ringawt hi hnam hmangaihna a ni lo a, ram leh hnam tana chhawrtlak ni tura kan thiltih apianga theihtawp kan chhuah hi hnam hmangaihna kawng khat a ni,” tiin Mizo hnam humhalh a, siamtu in a siam anga hmantlak a chawikan hi Nationalism in a tum ber pak

Mizoram-a NGO Coordination Committee chuan Mizoram atanga Tripura-a Tuikuk tlanchhia te Tripura-ah an awm ngheh dawn tak avangin Mizoram Electoral Roll atanga a rang lama paih an nih theih nan hmalak zui zel nise tha an tih thu an sawi.