Lenkawl

Mizoram-a NGO Co-Ordination Committee in Mizoram Chief Electoral Officer (CEO), SB. Shashank chhuak tura an phutna kal zelah an huntiam Vawiin tlai dar 5:00 hmaa Mizoram a chhuahsan lo a nih chuan naktuk (Thawhlehni) zing dar 8:00 a\angin Central YMA chuan Aizawl-a Election Office kai tur dang turin an rel.

Lunglei South bialtu MLA, S. Laldingliana chu Inrinni zing khan Cancer vangin a boral a, Inrinni vek khan vuiliam nghal a ni.

Election Commission of India in Serchhip District tana Expenditure Observer atana a ruat, Divakar Chakravarty, IRS chuan Serchhip rawn thleng tawhin hma a la mek zel a.

Mizoram Assembly inthlanpui neih tur atan Serchhip District-ah Nomination File an awm zel a,

Mizoram Assembly inthlanpui neih tura Congress Party in Campaign Office an buatsaih chu Inrinni zing khan Serchhip Block Congress Committee President, PC. Vanlalsawma chuan a hawng.

Nimin, Nov. 4, 2018 (Pathianni) tlai dar 3:00 khan Serchhip-a tlawmngai pawl hrang hrang- YMA, MUP, MHIP, MZP leh MSU hruaitute chuan Serchhip Sub-Hqrs. YMA Office-ah Emergency Meeting neiin NGO Co-Ordination Committee in Mizoram CEO, SB. Shashank chhuak tura an phut mek chungchang an sawiho a.

MLA General Election lo awm tura Serchhip District tana Election Commission of India in Expenditure Observer tura a ruat, Pu Divakar Chakravarti, IRS chuan Serchhip rawn thleng tawhin Inrinni khan Serchhip District-a Election Expenditure Monitoring (EEM) team hrang hrangte meeting a neih pui nghal.

Zoram Peoples’ Movement (ZPM) chuan Inrinni khan Serchhip Bazar-ah Mual Inkhawm buatsaihin he hunah hian Serchhip bial-a an Candidate, Lalduhoma chuan thu sawiin Assembly inthlanpui a ZPM-a sawrkar hnua Serchhip khawpui tana hmalak an tumna hrang hrang a puangzar.

BJP Mizoram Pradesh chuan nimin khan Assembly inthlanpuia an Candidate tur puang lehin Serchhip bial-ah C. Lalchunglura chu a ding ang.

Mizoram NGO Co-Ordination Committee chuan Mizoram CEO chu inthlan kaihhnawih buaipui zui tlakah an ngaih loh thu an sawi.

Mizoram-a Commissioner of Excise, Ngurchungnunga Sailo chuan nimin khan Serchhip rawn tlawhin Annual Inspection a nei a. Commissioner of Excise hi Serchhip-a Assistant Commissioner, R. Laldinsanga chuan Bukpui-ah lo dawngsawngin Inspection Parade neih a nih hnuah Serchhip-a Excise Office-ah inkawmna neih zui a ni a, Serchhip-a Department hotute chuan an mamawh hrang hrang leh Quarters cheibawl ngai te an lo thlen bawk a ni.

Serchhip bial-a Assembly inthlanpui chuh turin ZPM Chief Ministerial candidate, Lal-duhoma chuan nimin khan he inthlanna Returning Officer tur, Sangchhin Chinzah hnenah Nomination a file.

Election Commission of India chuan seat 40 awmna Mizoram Legislative Assembly inthlanpui hriattirna nimin khan a chhuah a, Party hrang hrang candidate te hming thehluh hun chu karleh Zirtawpni, Nov. ni 9, 2018 thleng khian hawn a ni anga, inhnukdawk duh tan ni 14 thleng hun hawn a ni ang.

Serchhip District Election Officer, Sangchhin Chinzah leh SP, R. Sathiyasundaram te chuan nimin khan Serchhip-a thuthar thehdarhtute kawmin Assembly inthlanpui neih tur atana Serchhip District-a inbuatsaihna hrang hrang kalpui dan an hrilhfiah.

Tun thla ni 28-a Mizoram Assembly inthlan-pui neih tur atan Vawiin hian Assembly bial 40-a Returning Officer te chuan hriattirna an tichhuak dawn ta a, hetianga hriattirna an tichhuah a\ang hian Assembly inthlan chuh tumte tan Nomination File theih nghal a ni bawk ang.

 Assembly inthlanpui neih tura Serchhip-a duty tura rawn kal Police te chuan nimin khan Flag March nei lehin Serchhip leh Thenzawl khawlai an fangkual.

Assembly inthlanpui neih tura Serchhip District chhunga Electronic Voting Machine (EVM) leh Voters Verifiable Paper Audit Trail (VVPAT) hman turte thliarfelna hmasa ber chu nimin khan neih a ni.

Mizoram Assembly inthlanpui lo awm tur atan Serchhip District chhunga Media hrang hrang hmanga campaign-na te chu Media Certification & Monitoring Committee (MCMC) chuan uluk takin an enfiah mek.

Nimin khan Chhiahtlang Group MNF huaihawtin mithar lawmluhna neih a ni a, he hun hmanpuitu bialtu MLA, Er. Lalrinawma chuan, “MNF kan sawrkar chuan Zoram mipui natna kan tidam ang,” a ti.

MPCC chuan kumin '2018 MLA Election Manifesto' leh 'Mizoram Hmasawnna Lamtluang' lehkhabu chu nimin khan Aizawl-a Vanapa Hall-ah an tlangzarh a, he hunah hian MPCC President, Lal Thanhawla chuan mamawh an awm chhung chuan NLUP an sem zel dawn tih sawiin, NLUP-ah sum kawngbo a awm an hriatloh thu a sawi bawk.