Lenkawl

Nimin Oct. 1, 2013 khan rampumah National Voluntary Blood Donation Day hman a ni a, Serchhip-ah pawh Serchhip Blood Bank leh Association for Voluntary Blood Donation (AVBD) Serchhip Branch huaihawtin he Ni pual hian hun hman a ni.

Nimin chawhma dar 10:00 khan Horticulture Department hmalakna in Serchhip DHO Pu Lalhmangaiha chuan an office ah Serchhip Vegetable Growers’ Society te kovin thlasik thlai chi chi hrang hrang pasarih an hlan a, heng thlasik thlai chi an hlan zawng zawng hlut zawnng hi Rs. 12,29,320 a ni.

Mizoram State Disaster Management Authority (SDMA) chu nimin khan \hukhawmin Ramhlun Sports Complex-ah leh Ramhlun Vengthar huamchhunga tunhnaia leimin leh lei tawlh tuartute sawn dan tur an sawiho bawk.

Mizo \halai sipai \ang tura thlan mi 209 te chu nimin khan Chief Minister, Pu Lal Thanhawla chuan Aizawl a\angin a vailiam a, kum 4 chhung in \halai 4000 vel sipai-ah thun an nih thu Chief Minister chuan a sawi bawk.

Darlawn District Demand Committee (DDDC) chuan hmartlangdungin District thar an neih theihna tura hma alakna kal zelah nimin zing dar 5:00 a\ang khan Darlawn leh a chhehvel-ah Total Bandh an huaihawt a, he Bandh hi tlai dar 5:00 thlenga neih niin mipui ten an thlawp \ha hle tih DDDC chuan an sawi

Bialtu MLA leh Chief Minister ni bawk, Pu Lal Than-hawla nu leh u, Lalsawmliani leh Lal Thanchunga hriatreng nan a Football Tournament buatsaih L&L Football Tournament chu nimin khan Serchhip Khawtetlang Field-ah khelh zawh a ni ta a, Final-ah hian champion lai FC Kulikawn chuan Serchhip Dinthar FC chu 5-1 a hnehin an champion a, champion Team hian Rs. 70,000/- leh Trophy dawngin pahnihna hian Rs. 30,000/- leh Trophy an dawng a, Goal 11 thuntu Lalrinzuala, IOC FC chu Top Scorer niin Lal-remruata, FC Kulikawn chu Best Player a ni a, Hmar Veng FC Serchhip ten Fair Play Award an dawng bawk a ni.

Mizoram sorkar GAD chuan an thuchhuah hmasa tidanglamin Mizoram Sorkar hnuaia thlasik office kai hun zing dar 9:30 a\anga tlai dar 4:00 chu October ni 1, 2013 nilovin October ni 15, 2013 a\anga hman tan tur a nih thu a tarlang a. Mi-zoram House - New Delhi, Kolkatta, Mumbai leh Bangalore chu zing dar 10:00 a\anga tlai lam dar 5:00 thleng office kai hun a ni ang a. Mizoram House Guwahati, Shillong leh Sil-char chu zing dar 9:30 a\anga tlai-lam dar 4:00 thleng office kai hun a ni ang. He office kai hun hi nakum February 14 thleng a ni ang.

Mizoram CSS Hindi Teachers’ Association (MCHTA) chuan nimin khan Aizawl Chanmari YMA Hall-ah Special Conference an nei a, he hun hi Education Minister, Pu Lalsawta chuan a hmanpui a ni.

Kumin kumtawp Mizoram State Legislative Assembly inthlanpui  lo awm tur atana din Serchhip District Media Certification and Monitoring Committee (MCMC) chu nimin khan District Bawrhsap hovin an \hukhawm.

Mizoram KVI Board Chairman leh Tuikum bialtu MLA ni bawk, Pu K. Lianzuala chuan niminpiah khan cheng nuai 32 chuang senga sak Govt. Chhiahtlang High School RMSA Strengthening Building chu a hawng.

Serchhip Khawtetlang-a Tourist Lodge building sak hna hun rei tak chawlhsan tawh chu tunlai hian a sak \hat hna thawh mek a nih bakah In dang pathum (3) pawh sak mek a ni bawk.

Chief Minister Pu Lal Thanhawla chuan nimin khan Tuirial Hydro Electric Project 60 MW pe chhuak thei tur hna thawh mek chu a hmunah a tlawh.

Nimin khan Serchhip DC’s Meeting Room ah kumin MLA General Election lo awm tura Serchhip District chhunga Sectoral Magistrate tura ruat te tan training buatsaih a ni.

Mizoram sorkar-a Industry Department leh Mizoram Food Processing Society (MFPS) buatsaihin nimin khan Serchhip-ah National Mission on Food Processing (NMFP) chungchang zirhona neih a ni.

Mizo National Youth Front, District Hqrs.Saiha te chuan nimin khan Mara ram hmuhsitna dodalna Ni an hmang.

Bialtu MLA leh Chief Minister ni bawk, Pu Lal Thanhawla’n MLA Fund a pek hmangin Mizoram Upa Pawl (MUP) Sub-Hqrs. Serchhip chuan nimin khan Serchhip  leh Thenzawl-ah khawpui chhunga lungrem awm ang angte tihfai leh rawng hnawih \hat hnatlang an nei a, Serchhip Area-ah mi 134, Serchhip South Area-ah mi 246 leh Then-zawl Area-ah mi 70, an vaiin mi 450 an thawkchhuak a, Serchhip North Area (New Serchhip) erawh chhiat tawk an awm avangin hnatlang hi an nei theilo thung a ni. MUP Sub-Hqrs. Serchhip hruai-tute chuan bialtu MLA in Upa te Ni hmanna tur atana sum leh pai a pe leh he sum hmanga hnatlang an neih a thawkchhuak an member, a bik takin kum upa tak tak te chungah lawmthu an sawi tak meuh tih an sawi bawk.

Mizoram Chief Minister Pu Lal Thanhawla chuan \halaite zinga Central Service inziaktling an tlem ta zel chu ngaihmawh tham a nih thu sawiin, ‘Thiamna tak tak nei tur a zirlai ten lehkha an zir a \ul a ni,’ a ti.

Election Commission of India chuan Mizoram leh state dang 4-te inthlan hun tur a puan hnaih rin a ni.

Mizoram Upa Pawl (MUP) Sub-Hqrs. Serchhip chuan thuchhuah siamin bialtu MLA leh Chief Minister ni bawk, Pu Lal Thanhawla’n a bial chhung khawlai lungrem te rawng hnawih leh khawlai hnawk thenfai nan MLA Fund a pek thu tarlangin, Chief Minister chungah hian an lawm hle tih an tarlang a, he an sum hmuh hmang hian Upa te Ni inbuatsaihna atan Vawiin Sept. 23, 2013 hian Serchhip leh Thenzawl-ah te lungrem awm ang ang te rawng hnawiha hnatlang neih an tum thu leh MUP Member zawng zawngte thawkchhuak vek tura an ngen thu an tarlang bawk.

MNF East Block Serchhip chuan Inrinni kalta, Sept. 21, 2013 khan Block Conference neiin an Party zawm thar mi 208 an lawmlut a, he hun hi an Party President, Pu Zoramthanga chuan a rawn hmanpui a ni.