National Mission on Food Processing (NMFP) chungchang zirhona Serchhip-ah neih a ni.

/
Mizoram sorkar-a Industry Department leh Mizoram Food Processing Society (MFPS) buatsaihin nimin khan Serchhip-ah National Mission on Food Processing (NMFP) chungchang zirhona neih a ni.

He zirhona Serchhio CMO Conference Hall-a neih hi Pu Robert C. Lalhmangaiha, MCS, SDO (Sadar) Serchhip chuan hmanpuiin Food Processing chungchang zirhona Serchhip-a neih a ni chu lawmawm a tih thu a sawi a, Asia chhimchhak ram tam tak te chu Food Processing-ah hian an san thu sawiin, hei vang hian an economy dinhmun pawh nasa taka a san phah thu a sawi a, tun dinhmun ah sorkar hna a van tial tial thu leh a tum tak takte tan lo chuan sorkar hnuaiah hna hmuh tur a awm tak tak tawhlo tih sawiin he huna kalkhawm zirlaite chu an zirchhuah hunah pawh sorkar hna chauh thawh thum lo tur leh tuna Food Processing chungchanga an thil zir te chu mi tam tak te tan chuan eizawnna thlentu a nih theih thu a sawi a, Serchhip District chhungah pawh Food Processing a hlawhtling tak tak te an awm tawh thu pawh sawiin, amaherawh chu heng mite hi an technology te ala hniam thu leh Mizoram Food Processing Society ten heng mite tih hmasawn leh chawikanna kawngah hian hma an lak ngei a beisei thu a sawi bawk.
    Mizoram Food Processing Society a\anga lo kal Pu Lalbiaksanga kaihhruai he hunah hian Pi PC. Lalawmpuii, Chairman, MFPS chuan an Society kalphung leh hma an lak dan te a hrilhfiah a, chawhnu lamah Technical Session hmang zuiin hetah hian ‘The Mizoram Industrial Policy 2012 with Incentives’ tih te, ‘The Potential and Need for Developing Food Processing Industry in Mizoram’ tih te, ‘Scopes & Schemes of Food Processing Industries, Govt. of India’ tih te leh ‘Human Resource Development and Career Guidance in Food Processing’ tih thupui hmanga mithiam te thuziak chu zirho a ni. He zirhona hunah hian Govt. Higher Secondary School Serchhip, Lal Thanhawla Higher Secondary School Serchhip leh Marian High School Serchhip a\angin zirlai naupang \hahnem tak an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »