Latest News

Assembly thutkhawm ah kum 2021-2022 Mizoram Budget cheng vbc. 11,148.89 pharh a ni

Finance changtu Chief Minister Zoramthanga chuan nimin-a Assembly thutkhawm ah kum 2021-2022 atana Mizoram sawrkar sum ruahman (budget estimate) cheng vbc. 11,148.89 chu House-ah a pharh a, hemi rual hian 2020-2021 chhunga sawrkar sum indaihlohna phuhrukna tur cheng vbc.2320.79 a pharh nghal bawk.

District ngiatin Darlawn-ah Total Bandh

Darlawn District Demand Committee (DDDC) chuan hmartlangdungin District thar an neih theihna tura hma alakna kal zelah nimin zing dar 5:00 a\ang khan Darlawn leh a chhehvel-ah Total Bandh an huaihawt a, he Bandh hi tlai dar 5:00 thlenga neih niin mipui ten an thlawp \ha hle tih DDDC chuan an sawi
. DDDC thuchhuah chuan an tlangdung-ah District thar an neih theih nan hma an la zel dawn tih sawiin, ‘kan Sorkar pawh hian, kan tlang-dungin District thar kan mamawh zia hi min hriatthiampuia District thar hi inthlan puan a nih hma ngei hian min pe se DDDC chuan a duh takzet a ni,’ an ti a, ‘Kan Sorkar hotute hnenah District Administration hrang, Hmar tlang-dung mipuite leh Mizoram hmasawnna atan a pawimawh zia vawi duailo kan sawi tawh a. Tun thlenga ngaihtuah ala ni lo leh hmasawnna hmuh tur ala awm lo hi Hmar tlangdung mipuite hian na kan tiin pawi kan ti tak zet a, Mizoram Sorkar inrelbawlna leh hmasawnna tur kawngah hian Hmar tlangdung mipuite hian pawimawhna tam tak kan nei a ni tih kan Sorkar hotute hian min hriatsak a, arang thei ang bera District Administration thar Hmar tlangdung mipuite tana min siamsak turin kan Sorkar hotute kan ngen tlat a ni,’ an ti bawk.

Comments

Chhiar Hlawhte