Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

Mizoram inthlanpui neih hun tur puan hnaih rin a ni.

Election Commission of India chuan Mizoram leh state dang 4-te inthlan hun tur a puan hnaih rin a ni.
Election Department hotute hnen a\anga thudawn danin tunkar tawp lam pang hian Chief Election Commissioner, VS. Sampath-a hovin Election Commission hotu lawk zualte chu Mizoram-ah an lo zin rin a ni a, anmahni lo dawnsawn dan turah pawh hian meeting lo neih \hin tawh a ni a. Election Commission thuneitute hian kumin kum tawp lama Assembly inthlan buatsaihna tur state panga zingah Mizoram chauh an la tlawh lova, Madhya Pradesh, Chhattisgarh, Rajasthan leh Delhi te an tlawh tawh a. Mizoram a\anga an kir thlak leh hnu lawkah heng Assembly inthlanna tur hi an puan mai an rin thu Election official te chuan an sawi. Election Commission hotute hian kar hmasa Thawh\anni, September ni 16 khan heng state 5-a CEO te hi Delhi-ah kokhawmin inthlang tura an inbuatsaih dan leh an inpeih dante an sawipui tawh a. He an inrawnkhawmnaah hian VS Sampath leh Election Commissioner pahnihte bakah Election Commission-a hotu lawk an kim vek a. State hrang hrang CEO-te chuan an state \heuhva ruahmanna an kalpui dan leh an thlen chin report an pe a ni. Election Commission hotute’n Delhi-a chanchinbumite an hrilh danin heng state 5-a assembly inthlanna hi November thla tawp lam leh December thla bul chhovah neih tura ruahmanna siam chhin a ni a. State lian leh hel tamnaah te chuan inthlan hi thawh khatah nei lovin December thla chawhma lam thlenga neih chho tura ruahmanna siam rin a ni. Assembly inthlan hmachhawn tur atana vote nei thei tar chhuah hnuhnung ber August ni 16 tarchhuahah Mizoram puma vote nei thei 6,86,305an awm a, Mizoram mihring awm zat a\anga za zela 60.04 a ni a, Vote thlakna tur Polling Station 1,126 a awm dawn a ni.

Comments

Popular News (Last 30 Days)