Serchhip-a bawlhhlawh sawngbawlna hmun tlawh

PHE Department, Green Herd SP leh UD&PA Department tangkawp ten Serchhip District chhunga thingtlang khua bakah khawpui chhunga bawlhhlawh an lakkhawma an sawngbawlna hmun, Solid Waste Management Centre, Serchhip chu nimin khan PHE Department-a Project Management Unit-a Director, Er. Lalropuia Hmar chuan a hmunah a tlawh a, helai hmuna hnathawh dan a enpui bakah hnathawktute hnathawh a enpui nghal bawk a ni.

    He hunah hian Green Herd SP-a CEO PC. Lalnunpuia chuan helai hmuna an hnathawh dan te lo hrilhfiahin, an ruahman anga hna an thawh theih thu leh an la kal theih zel thu a sawi a. Mipui te atanga bawlhhlawh an lakkhawm ah bawlhhlawh tawih thei leh tawih thei lo te la thliarhrang lova la paih pawlh an la awm thu te a sawi bawk a ni. He hunah hian PMU Director hi PHE Serchhip WATSAN Division-a Sr. EE, Er Isaac Lalchhuanmawia leh PMU-a AE, Er. Lalbiakhlua bakah District Coordinator ten an tawiawm a ni.