Vawiin-ah Session tan dawn

Mizoram Legislative Assembly Fur thut-khawm chu Vawiin hian neih tan a ni dawn a, ni hnih (2) a awh ang.

Assembly Secretariat atanga thudawn danin thutkhawm tan ni, Vawiin hian Member leh sawrkar mi pawimawh boral te sunna hun hmangin zawhna leh chhanna hun hman zui a ni anga, sawrkar Bill pawimawh te sawiho zui a ni ang. Tun tum Session-a ngaihtuah tur hian Dan thar siamna tur Bill pahnih lutin UD&PA Department atangin The Mizoram Local Body Ombudsman Bill 2025 leh Social Welfare Department atangin kutdawh khapna dan siam tur duan, The Mizoram Prohibition of Beggary Bill, 2025 te a ni a. Heng bakah hian Dan siamthatna tur Bill- The Mizoram Land Revenue (Amendment) Bill, 2025 leh The Mizoram Private Placement Agency (Amendment) bill, 2025 te a lut a, Official Resolution pakhat a lut tawh bawk a ni.

Tun tum Session atan hian tawngka a chhan chi (Starred question) 350 leh ziaka chhan chi (Un-Starred question) 124 a lut tawh bawk a, Speaker in ala admit loh Bill lut pakhat a awm bawk a ni.