Minister hovin PHE hotute an thukhawm

Mizoram hmun hrang hranga PHE Department hotute chuan nimin khan an Minister Prof. Lalnilawma hovin PHE Department in harsatna a tawh hrang hrang te sutkian dan tur an sawiho.

Online hmanga he sawihona ah hian Minister Prof. Lalnilawma chuan tui thianghlim tel lovin mihring kan nun theih loh avangin leh PHE Department chu Mizoram mipuite hnena tui thianghlim pe thintu a nih angin an hnathawh hi a pawimawh a, inthlahdah emaw, induh emaw thei an ni lo tih a sawi a. Mipui mamawh ang zawng zawng pe thei lo mah se mipuite harsatna sukiang turin theihtawp an chhuah a ngai tih a sawi bawk.

Minister chuan PHE Department in harsatna an tawh avanga tui supply mumal mipui an pek theih loh chang a awm fo thin thu pawh sawiin, heng hunah te hian an harsatna tawh te mipui hriat turin rang taka an puanzar thin a pawimawh tih a sawi a, khaw hrang hrang leh hmun hrang hranga an harsatna tawhte chu a rang lama hotute hnenah thlen a, a sutkian dan tur a rang lama ngaihtuah a tul thu a sawi bawk a ni.