Raltlan mi za thum chuang chhinchhiah an ni tawh

Serchhip District-a Myanmar raltlan awm te tana Biometric Enrolment kalpui mekah mi 300 chuang chhinchhiah ni tawhin Zirtawpni-a he hna thawh tura ruahman chu khawl lam that loh avangin chhunzawm theih a ni lo thung.
Thla hmasa July yhla atanga Serchhip District-a Myanmar raltlan awm te an kutzia leh pianhmang te chhinchhiah tura Biometri Enrolment kalpui mek hi Serchhip District-ah khaw 11-ah zawhfel a ni tawh a, heng khaw 11 atang hian mi 303 chhinchhiah ni tawhin Enrolment kalpuina tura ruahman sa East Lung-dar khua ah chuan chhinchhiah tur an awm loh avangin chhinchhiah an awm lo a, Serchhip Town chhunga VC Area 6 leh khaw pawn-a VC Area 4 atangin mi 303 te hi chhinchhiah an ni.

Ruahman lawk ang chuan Zirtawpni khan Serchhip khawpui chhunga VC Area pathum ah Biometric Enrolment hi kalpui leh tum a ni a, amaherawh chu Portal lamah harsatna a awm avangin hna thawh theih a ni lo thung a. He hna thawktute chuan Portal lama harsatna a a awm avang hian an hna chhunzawm leh theih hun tur an hriat loh thu leh Portal lama harsatna a awm loh chuan chhunzawm leh nghal mai theih an beisei thu an sawi a ni.