Volleyball inelna khel zo

Serchhip District Volleyball Association te buatsaih, Season Opening Tournament chu Inrinni khan New Serchhip Volleyball Court-ah khelh zawh a ni a, Mipa Final-ah Vengchung VC in New Serchhip VC chu 3-2 a hnehin an Champion a, Hmeichhe inelna ah Darnam VC chuan New Serchhip VC chu 3-1 a hnehin an Champion bawk. He inelna ah hian Mipa-ah Team 18 telin Champion Team hian lawmman ah Trophy leh Rs. 15,000/- dawngin pahnihna in Trophy leh Rs. 8000/- an dawng a. Hmeichhe inelna ah Team 5 telin Champion hian Trophy leh Rs. 10,000/- dawngin pahnihna hian Trophy leh Rs. 5000/- an dawng bawk a ni.