Serchhip Town Land Committee in dilna pawm

Serchhip Town Land Committee chu nimin khan an Chairman leh Serchhip Bawrhsap Paul L. Khuma hovin Serchhip DC Meeting Hall-ah an thukhawm a, he thutkhawmah hian dilna lut 23 chu ngaihtuah niin ngun taka an sawiho hnuah Land Lease dilna 5 leh House Site dilna 17 te chu an pawm a, House Site dilna lut pakhat erawh hnawl a ni thung. Nimin-a heng dilna lut te hi Chanmari VC, New Serchhip North VC, New Serchhip South VC, Kawnpui North VC, Hmar Veng VC, Field Veng VC, P&E Veng VC leh Chhiahtlang South VC atanga lut a ni.

He hunah hian Serchhip-a Settlement Officer (SO) Gaston Vanlalhriatpuia bakah Line department hrang hrang aiawh te, khawtlang hruaitu VC te leh tlawmngai pawl aiawh te pawh an tel a ni.