Myanmar raltlan 33,329 awm

Tun thla (August) ni 20 thleng khan Mizoram-ah Myanmar atanga raltlan mi 33,329 an awm mek. Mizoram State Legislative Assembly 9-na thutkhawm vawi 5-na nimin a zawhfel takah Rorellai Member, Aizawl West-III Bialtu MLA VL. Zaithanzama zawhna Home Minister K. Sapdanga'n ziaka a chhan danin, tun thla ni 20 thleng khan Mizoram-ah Myanmar atanga raltlan 33,329 an awm mek a. Raltlan chhinchhiah hna Mizoram District tinah thawh mek niin he hna zawh hun tur hi sawi theih a ni lo.

Myanmar raltlan chhinchhiah hna thawhna atan hian sawrkar laipui atangin a hranpaa sum hmuh a awm loh thu pawh tarlan a ni a. Indo-Myanmar ramri hung hungchangah State sawrkar, sawrkar laipui leh Border Guarding Force (Assam Rifles) bakah Border Roads Organization te nena inrawn tlanga hmalak mek a nih thu tarlan a ni bawk.