Samagra Shiksha bultumin District Level Kala Utsav hman a ni

Samagra Shiksha Serchhip District buatsaihin niminpiah, August 28, 2025 khan Serchhip BRC Hall-ah ‘District Level Kala Utsav 2025-26’ chu neih a ni.
    ‘Kala Utsav’ hi kan hnam ziarang leh tih dan phung hrang hrang te ngaihhlut a nih theihna tur leh chawisana vawn nun reng a nih theihna tur bakah India rama hnam hrang hrang te tihdan inzah saktawn leh in ngaihhlut sak tawn a nih theih nan te, kan lo in pumkhat zawk theih nana hman thin niin tun tumah hian Serchhip District chhunga High School leh Higher Secondary School 7 atangin zirlai naupang 70 leh Guide Teachers 10 an tel a. Inelna chi 9-ah neih niin Vocal Music Group (Folk)-ah GHSS Serchhip chu pahatna an ni a. Vocal Music Solo (Classical)-ah Lalremruati, Govt. J.M H/S, Serchhip chu pakhatna a ni bawk. Dance Group (Folk)-ah Bungtlang HSS chu pakhatna niin Dance Solo (Classical)-ah Vanlaldinthari, Bungtlang HSS chu pakhatna a ni bawk. Short Play Drama (Folk)-ah Bungtlang HSS chu pakhatna niin Visual Arts Group-ah C. Lallungmuani, Bungtlang HSS; Visual Arts Solo-ah Zodinpuii, Govt. J.M H/S, Serchhip; Traditional Storytelling Group-ah Govt. Bungtlang H/S leh Instumental Music Solo-ah C. Lalruatsanga, Govt. Bungtlang H/S (Flute) te pakhatna an ni bawk.