Mizoram-ah ‘National Sports Day 2025 hman a ni

India ram Hockey khel thiam lar, Major Dhyan Chand-a piancham denchhenin nimin, August 29, 2025 khan India ram pumah ‘National Sports Day’ hman a ni a, Mizoram-ah a lawmna pui ber chu Sports Authority of India (SAI) State Training Centre, Mission Vengthlang-ah neih a ni.

National Sports Day-ah hian thupui atan ‘Sport to Promote Peaceful and Inclusive Societies’ tih hman niin MLA T. Lalhlimpuia chuan he hun hi khuallian niin a hmanpui a, Sports chu mihring hriselna atana pawimawh, taksa vawng thatu leh rilru hrisel min siamsaktu a ni tih sawiin, mihring inpumkhatna siamthatu a nih thu a sawi a. Infiammite chu an thlen chin atanga hmasawn tum zel tur leh tumruhna leh teirei peihna nei turin a chah bawk.

Nationa Sports Day hawnna inkhawm hi Sports & Youth Services Director H. Lal-hmingthanga chuan kaihruaiin Sports & Youth Services Secretary K. Lalrinzuali’n inlawmna thu a sawi bakah Sports Authority of India (SAI)-a Regional Director Lianminthang kaihruaiin kalkhawmten a rualin thuthiam (Pledge taking) an sawi a. Taksa leh rilru hrisel nei turin hma an lak tur thu leh an chhungte leh an thiante pawh infiamna lama tui tura fuih turinan intiam a ni.

National Sports Day hi naktuk, August 31, 2015 thlenga hman tura ruahman a ni.