Sialhawk in Lakhuihthei tharchhuak tam

Mizoram-a Lakhuihthei thar tam ber zinga mi Sialhawk khua-a lakhuihthei chingtute chuan tunlai hian Lakhuihthei an seng mek a, kumin hian Quintal 7500 an hralhchhuak tawh a ni.

Sialhawk khua hian kumin hian Lakhuihthei hralhna kawngah harsatna an tawk an tawk nual a, heng an harsatna tawh chungchangah hian Sialhawk Pineapple Growers Society chuan MIFCO Chairman Lalthazuala Royte hnenah an harsatna te thlenin, Chhingchhip-a MIFCO hmuna sawngbawl turin Sialhawk Lakhuihthei leisak turin an ngen a. MIFCO Chairman-in hma a laksak hnuah August ni 13 atangin MIFCO-ah hian an chhunglut a, MIFCO in Sialhawk Lakhuihthei an leisak zawng zawng hi quintal 170 leh kg 88 a tling tawh a ni.

Heng bakah hian July thla khan Guwahati Aromatic Company nen inremna an lo siam tawh angina quintal 400 an hralh tawh a. Mizoram chhungah Aizawl leh khawpui dangah te Lakhuihthei hi hralhin August ni 26 thleng hian quintal 7500 vel an hralh tawh a. Lakhuihthei hi tunah hian kg. khat Rs. 10/- in an hralh a ni.

Sialhawk-ah hian Lakhuihthei chingtu chhungkaw 250 vel an awm a. Mizoram pum Lakhuihthei tharchhuah atanga za zela 64% hi Sialhawk khaw tharchhuah anga chhut a ni.