Ruihhlo Do beihpui thlak tan

Mizoram Sawrkarin Ruihhlo Do Beihpui (Special Drive on Drugs) a thlak turah Myanmar leh India ram inrina Tiau lui atanga Mizorama Ruihhlo (drugs) a lo luhna kâi khàn awmna khua zawng zawngte fang a, khawtlang hruaitute nena inkawmhona hun buatsaiha hun hmanpui turin Mizoram Police IGP H. Ramthlengliana IPS hovin Central YMA hruaitute chuan nimin khan Aizawl chhuahsanin Champhai an thleng a. Nimin vek khan Champhai Tlangsam khawtlang hruaitute nen Tlangsam YMA Hall-ah hun hmangin Zote Community Hall-ah Zote, Ngur leh Ngur Vengsang khawtlang hruaitute nen an inkawm bakah Bulfek khawtlang hruaitute nen an in kawm leh bawk a ni.

Mizoram Sawrkar ruahman dan chuan Ramri hrul khaw tinah te hian Police in dahin September 2025 atang hian Ruihhlo lo lut tur lakah beihpui hi kalpui tur a ni dawn a, tun tuma fehchhuak te hian Vawiin hian Hnahlan, N. Diltlang, Khuangphah leh Vaikhawtlang khawtlang hruaitute kawmin naktuk-ah Sesih, Lianpui, Leisenzo, Vangchhia, Vaphai, Saikhumphai leh Farkawn khuaa te an tlawh leh dawn a. Champhai atangin Police hotute leh Sub-Hqrs. YMA hruaitu ten an lo tawiawm bawk a ni.