Bank te hmalakna thlirlet

Siaha District chhunga Bank hrang hrangte hmalakna thlirin nimin khan District Consultative Committee (DCC) leh District Level Review Committee (DLRC) te chu an thukhawm a, he hunah hian kumin April atanga July thla chhunga Bank te hmalakna thlirletin, hemi hun chhung hian Bank hrang hrang ten Financial Literacy Campaign (FLC) tum 66 an neih thu leh mi 1897 an tel thu tarlan a ni a. Tun quarter-a Credit Deposit Ratio (CD Ratio) chu 91.48% niin hei hi RBI in a standard 60% a dah aiin a sang a ni.