Lenkawl

MEIZIAL LEH COVID-19 - C. Lalrempuia Kan hriat theuh angin Mizote hian Vaihlo zuk leh hmuam hi kan ti nasa em em a. Global Adult Tobacco Survey (GATS) 2016 - 2017 zirchianna atanga a lan danin tunah hian Mizo mipui 58.7% vel hian vaihlo zuk leh hmuam eng chi emaw ber an hmang mek a ni. Heng zingah hian Meizial zu thin tam berin 25.1% lai an ni a, 9.2% in a zuk mai duh tawk lovin a hmuam chi nen an ti kawp thin a, 24.3% in a hmuam lam chauh an ti ve thung. Cigarette a vang! A man lah a to! COVID-19 avangin a khawvel pumin kan buai mek a, kan ramah ngei pawh inkharkhip avangin kan sumdawng/dawrkai ten bungrua lakluh lamah harsatna lian tak an tawk mek a ni. Hei vang hian zuk leh hmuam ti thin te pawhin harsatna an lo tawk ve nasa khawp mai. Zuk leh hmuam lei mai tur a vang a, a tel lo a awm harsa an ti tawh bawk si. Hrileng avanga kan buai hma a kan Cigarette zuk thin te hmuh tur a vang em em a, khawi khaw/ram chhuak cigarette nge tih hriat mang loh kan hum ta fur a, kan

Hruaihaw hna thawk mek zel

Serchhip District Police te chuan nimin khan Vantlang hmun-a Mask vuah lova chhuak mi 15 manin Rs. 100/- theuh chawitir an ni a, an zinga mi 11 te hi Thenzawl-a man an ni.

COVID-19 avangin Serchhip District chhunga inkhunghranna hmun hrang hrangah inkhung-hrang mi 139 awm mekin heng mite an hriselna dinhmun uluk taka enfiah thin an ni.

Serchhip District Magistrate, Dr. Lalzirmawia Chhangte, IAS chuan thupek tichhuakin zan dar 7:00 atanga zing dar 7:00 inkar ah pawn chhuah khap a nih thu a tarlang.

Serchhip Sub-Hqrs. YMA Vigilance & Monitoring Committee chuan nimin (May 25, 2020) khan Keitum leh Khawlailung inkar-a Tuichang Lei dawh mek leh Serchhip leh Thenzawl inkar-a Mat Lei dawh mek te chu a hmunah kalin hnathawh dan an enfiah.

Mizoram Chief Secretary, Lalnunmawia Chuaungo chuan Mizoram pawn-a tangkhang lo haw tur te chu COVID-19 an vei vang ni lovin, COVID-19 lenna hmun atanga lo haw an nih avangin fimkhur thu hlaah khung hran an nih thu a sawi.

MNF Thalai, Mizo National Youth Front (MNYF) chuan SEDP Board hrang hrangte hnawk titu an lo awm chu pawi an tih thu an sawi.

ZPM Legislature Party (ZLP) chuan Special Session koh an duh thu leh MLA te hlawh hlui zawk anga hlawh an lak theih nana Finance Minister in Bill pulut se an duh thu an sawi.

Mizoram sawrkar in COVID-19 dona tura a din, Task Group on Quarantine Facilities chuan nimin khan State Level Task Force Chairman leh Chief Secretary, Lalnunmawia Chuaungo hovin Aizawl khawpui chhung veng thenkhata inkhunghranna hmunte an tlawh.

Chief Minister, Zoramthanga chuan nimin khan Bairabi, Zophai, Phaisen leh Vairengte a Mizoram leh Assam inrinaa COVID-19 duty te chu an duty-na hmunah tlawhin, ramri ven hna thawktute a kawm a, State pum him theihna tura theihtawp chhuah a ramri-a duty-te chungah lawmthu a sawi bawk.

Inrinni chawhnu khan Serchhip DC, Dr. Lalzirmawia Chhangte hovin Serchhip DC Meeting Room-ah rampawn atanga rawn haw te In lama inkhunghran (Home Quarantine) chungchang chu Serchhip-a VLTF ten an sawiho.

State pawn atanga Serchhip District-a rawn haw te khunghranna turin Serchhip District-ah Quarantine Facility Centre 36 siam a ni tawh a, nimin thleng khan District pumah Qurantine Facility 36-ah hian mi 806 awm theiin khunghran mi 72 an awm mek a, mi 734 khunghran theihna hmun la awmin Telangana atanga rawn haw te khunghran leh an ni ang.

DPR siam dan tur thlirho

Nimin (May 24, 2020) chhun dar 12:00 vel khan Lalruatzela (50) S/o Hrangzuala (L), Sai-tual Chawnpui Veng chuan a nupui hlui Lalthatluangi (52), Saitual Chawnpui Veng chu Chemte in a vit a, Lalthatluangi hi a hliam tuar lovin a boral.

COVID-19 hripui leng avanga sum harsatna tihziawm nan Mizoram-ah Petrol leh Diesel-a Chhiah lak tihpun a ni dawn.

Vawiin May ni 25, 2020 atang khian ram chhungah thlawhtheihna thlawh tantir leh tum a ni.

Health Minister, Dr. R. Lalthangliana chuan Inrinni khan Lengpui Airport tlawhin Lengpui Airport-a khawsik enna changkang chi, 'Thermal & Optical Bi-Spectrum' dah tura bun mek chu a endik.

Rampum-a inkharkhip kalpui mekah nimin zing dar 8:40 khan Telangana-a Mizoram mi leh sa tangkhang 474 te chuan Shramik train hmangin Bairabi an rawn thleng a, nimin vek khan anmahni District theuh panpui nghal an ni.

Chief Minister, Zoramthanga chuan Inrinni khan Aizawl-ah thuthar thehdarhtute kawmin Council of Minister te thukhawmin sawrkar sum dinhmun a harsat avangin sawrkar hnathawk hlawh bat thensak a rel thu leh boruak a that hunah hlawh batsak rulh a ni ang tih a sawi a. 4th Grade leh a hniam lam deuh chu ngaihnathiam ni se tih a nih thu a sawi bawk.