Lenkawl

Serchhip Legal Metrology Enforcement te chuan Inrinni khan SK Indane Gramin Vitrak Chhing-chhip-a eirawngbawlna Gas dah tur buktlinglo bur 25 an man a, heng Gas te hi MZ-02/9152, Lalrinliana Sailo s/o Saidingliana Sailo, Lunglei Venghlun ami rawn phurh niin dan angin pawisa chawitir leh a ni ang. Serchhip Legal Metrology Enforcement hian tunhnai khan Serchhip a dah tur eirawngbawlna Gas buk tling lo bur 243 zet an lo man tawh a, tun \uma Chhingchhip-a dah tur an man nen hian tunhnaiah Gas buk tlinglo bur 268 an man tawh a ni.

Zonet Cable TV in Mizo Idol thlanna a buatsaih a 3-na, Lancy Remlalhruaii, Serchhip Chhim Veng chuan Inrinni khan Serchhip rawn thlengin ropui taka lo hmuah a ni a. Lancy-i hi Chhiahtlang dai-ah lirthei chi hrang hrang hmanga ropui taka lo dawnsawn niin hemi hnu hian a chuanna tur bika ruahman Motor ah phurin kawng rawn zawhpui a ni a, Serchhip Bazar-ah a puala inkhawm neih zui niin pawl hrang hrang leh mimal \hahnem takin thil-pek an hlan a, Mizo Idol thlanna neih zawh taka tel, amah rawn \awi-awmtute nen zai-a mipui awiin amah lo hmuaktu mipui an tam hle a ni.

Mizoram-a Synthetic Tennis Court hmasa ber Serchhip Bukpui ami chu Inrinni khan Pu CL. Thangliana, Secretary, P&E Deptt. (Rtd) chuan a hawng a, Sports Minister, Pu Zodintluanga chuan he hun hi a hmanpui bawk. 

Kristian Thalai Pawl (K|P) kum 60 tlin lawmna pualin Inrinni khan Pi Zaii Hall, Mission Veng, Aizawl-ah K|P Hruaitu hluite pualin inkhawm buatsaih a ni. 

Biate khua chuan Zirtawpni kalta khan ‘Thingpui Kut’ an hmang a, he hun hi UD&PA Minister, Pu Zodintluanga chuan a hmanpui a ni.

MZP Gen. Hqrs. chuan Mizoram District hrang hrang zinga Mizoram Public Service Commission (MPSC) Examination Centre la awm ve lohna hmun - Lawngtlai, Mamit leh Kolasib-a Examination Centre hawn a ni ta chu lawmawm an tih thu an sawi.

Mizoram-a lirthei chi hrang hrang zingah lirthei ke pahnih nei, Two Wheeler ten dan an bawhchhe ngun ber a, nikum 2013 chhung a Traffic Police ten dan bawhchhia an man 9458 zinga 4189 chu Two Wheeler an ni a, hei hi lirthei dan bawhchhia zawng zawng a\anga chhutin 44% a tling hial a ni.

Dt. 22nd Feb. 2014 HSLC Exam neih \an a ni

Dt. 22nd Feb. 2014 YMA Sub-Hqrs. Serchhip chuan nimin khan Sub-Hqrs. Executive Committee (SEC) \hutkhawm neiin thla thar-a YMA Sub-Hqrs. Conference neih tur chung-chang an thlirho.

Dt. 22nd Feb. 2014 Tun thla ni 27 thleng awh tur ‘Fire Prevention Week 2014’ chu nimin khan hawnna neih a ni a, ‘Kangmei tichhuaktu nilovin a vengtu nih i tum ang u’ tih chu thupui ah hman a ni.

Dt. 22nd Feb. 2014 Pipu te sulhnu engemawzat la awmna, Chawngtlai khua chuan Historical Village-ah an inpuang a, Bialtu MLA Pu Lalrinliana Sailo hovin nimin khan he ni hi khawtlangin awmni khamin an hmang a ni.

Dt. 22nd Feb. 2014 UD&PA Minister Pu Zodintluanga chuan nimin zing khan Biate khuaa thingpui herna, Samuel Tea Factory chu a hawng.

Dt. 22nd Feb. 2014 : Nizan khan Aizawl New Market sa zawrhna hlui bulah bomb a puak leh a, mihring thi leh hliam erawh an awmlo thung.

Biometric Enrolment kalpui mek zel 

Mizoram Merchant Association (MIMA) chuan Mizoram Taxation Department in Vairengte a Weight Bridge siam a tum chu an duhloh thu sawiin, hemi chungchangah hian hmalak zel an tum thu an sawi.

Mizoram Chief Minister, Pu Lal Thanhawla chuan Pu Rokunga hla te hian ram leh hnam humhalh kawngah hmalak dan tur kawng tam tak min kawhhmuh a ni, a ti.

Niminpiah chawhnu dar 2:00 vel khan Ruallung khaw nula kum 29 mi chu misual tutih hriatloh ten na taka sawisain, a pawisa Rs 8,900/- an laksak.

Kum 2012-ah Mizoram-ah lo hal chungchanga sorkar thu zawmlo khaw 142 an awm laiin kum 2013-ah chuan khaw 19-ah a tlahniam.

Health Multipurpose Service Association chuan kum 1999 a\anga Health Worker Post ruak te hnawhkhat tura sorkar-a dilna an thlen, Vawiin thlenga a hlawhtlinna ala awm lo chu pawi an ti tak zet tih an sawi.

Anganwadi-a Gas bur ru