Latest News

Fire Prevention Week 2014 hawnna neih a ni. Kangmei veng \ha ber - Lunglei District.

Dt. 22nd Feb. 2014
Tun thla ni 27 thleng awh tur ‘Fire Prevention Week 2014’ chu nimin khan hawnna neih a ni a, ‘Kangmei tichhuaktu nilovin a vengtu nih i tum ang u’ tih chu thupui ah hman a ni.
He Hapta hawnna pui ber Aizawl-a Legislative Assembly Annexe Conference Hall-a neih ah hian Chief Minister, Pu Lal Thanhawla chuan Mizoram-a ramngaw te kan tih chereu nasat lutuk avang leh nungcha chi hrang hrangte Tur hmang hiala kan kan suat avangin kan ram chu chenna tlakloh thlaler ramro ah a chang mai ang tih a hlauhawm tih a sawi a, kan ram hi ram hring \ha tak angin lang mahse ramngaw tak tak chu tlemte chauh a ni tawh tih pawh sawiin, kan ram hi a neitu vek kan ni tih kan hriata duat taka enkawla humhalh tlat hi mitin in kan tih tur a ni tih a sawi a. Ram kang venna kawnga pawimawh tak pakhat chu VC tin ten an huam chhunga lo, huan leh nul nei zawng zawngte chiang tak leh felfai taka chhinchhiah a ni a, hemi kalpui tur hian VC zawng zawngte chu khauh taka hriattirna pek an nih tawh thu a sawi bawk.
    He hunah hian Pu Lalthangliana Murray, SLFPC chuan Mizoram-a kangmei chhuak chungchang sawifiahin Mizoram chu Forest cover nei \ha ber mahse, ngaw tak tak chu 1% vel chauh a ni tih a sawi a. Kum 2010-2011 ah Mizoram-ah hmun 69-ah ram hectare 1349 a zau kangin, kum 2013-2014 ah hmun 9 ah hectare 379 a zau chauh a kang tih a sawi bawk. He hunah hian kum 2013-2014 chhunga kangmei chhuak thei venna kawnga hmala \ha hnenah lawmman sem niin District Level-ah Lunglei District in lawmman pakhatna an la a, Kolasib in pahnihna leh Aizawl leh Serchhip District in pathumna an la bawk. He Hapta hawnna hi Lunglei, Kolasib leh Mamit-ah te pawh neih a ni bawk a ni.

Comments

Popular News (Last 30 Days)