Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.

Health Worker post ruak hnawhkhat thuai turin sorkar ngen.

Health Multipurpose Service Association chuan kum 1999 a\anga Health Worker Post ruak te hnawhkhat tura sorkar-a dilna an thlen, Vawiin thlenga a hlawhtlinna ala awm lo chu pawi an ti tak zet tih an sawi.
Hemi chungchangah hian Health Multipurpose Service Association thuchhuah siamin Mizoram-a Health Worker Post ruak hnawhkhat tur hian kum 1999 a\anga hma an lak tawh thu leh a hlawhtlinna hmuh tur ala awmloh thu sawiin, tuna Health Minister, Pu R. Lalzirliana hmalakna avangin Regular Post ruak awm mek 210 chu hnawhkhah ani ngei dawn nia an hriat thu leh an harsatna leh hnathawh vei puitu Minister an nei chu an lawm tak zet tih an sawi a. An Department hotu ten heng post ruak hnawhkhahna tura pawisa awmsa thlapa duhsak taka hma an lak sak leh theihtawp an chhuah chu lawmawm an tih thu pawh tarlangin, Health Department in a Health Worker Post 210- Regular-na tura pawisa an neih ang ngeiin a rang thei ang bera tih hlawhtlin sak turin sorkar chu an ngen tak meuh meuh tih an tarlang bawk.

Comments

Popular News (Last 30 Days)