Biate khua ah Thingpui herna khawl hman theihin hawn a ni.

Dt. 22nd Feb. 2014

UD&PA Minister Pu Zodintluanga chuan nimin zing khan Biate khuaa thingpui herna, Samuel Tea Factory chu a hawng.

He hunah hian Pu Zodintluanga chuan Biate khua a thingpui herna factory puitling din a ni ta chu lawmawm a tih thu sawiin, Mizoram-ah kuthnathawktute tharchhuah a\anga Zopa kutchhuak ngei thingpui siamchhuah a lo ni veta chu hmasawnna ropui tak a ni, a ti a. Biate khuaa thingpui chingtute chu Samuel Tea Factory mamawh chawm thei tura an tharchhuah tipung deuh deuh tur leh helai vela thingpui chinna hmun zauh zel tura fuihin, Mizo thingpuife tharchhuah humhalh a, ti lar tur leh hralhchhuahna kawngah pawh sorkar a\ang pawha nasa zawka hmalakna tur a tam hle dawn tih a sawi a, Biate a thingpui Industry ti hmasawn tura Samuel Tea Factory neitu ten sum tamtak senga hma an lo lak tawh na chu fakin an hnathawh hian Biate khua leh Mizoram pumpui tan hmasawnna lawmawm tak a thlen mek a ni, a ti bawk. Biate a thingpui herna, Samuel Tea Factory hian kum 2012 a\ang khan Biate khua thingpui chingtute tharchhuah hi a lei sak \an a, hemi kum hian thingpui zik quintal 70 vel chauh her hmanin nikum khan Kg. 17,600 her niin he factory a\anga thingpuife siamchhuahte hi Kg-1 Rs. 200 in hralhchhuah a ni.