Chawngtlai khua Historical Village-ah an in puang.

Dt. 22nd Feb. 2014

Pipu te sulhnu engemawzat la awmna, Chawngtlai khua chuan Historical Village-ah an inpuang a, Bialtu MLA Pu Lalrinliana Sailo hovin nimin khan he ni hi khawtlangin awmni khamin an hmang a ni.

Kum 1887-a lal hmingthang Nikuala'n a din Chawngtlai-ah hian Pipu te sulhnu Pasal\ha ten Mi lu an lak an khaina Sahlam; Thingtlang Thlanmual hmasa ber; Mizoram Lungphun sang ber; Zawlbuk ban; Hranglung; Hmar Lungtat; Lalnikuala In hmun; Hranghleia Thlan; Lal Lungdawh; Lalruanga Lungkahkeh leh Mizoram-a Nau hual/lawm ti chhuaktu Biaklawma thlan te hmuh theihin a la awm a, hei bakah hian Mizoram tlang sang ber pathumna Khawpuitan Tlang 7003ft a awm bawk a ni. Nimin a he Ni hmanna ah hian mi lu lak leh Sahlam-a khai lemchan entir niin, pasal\ha te mi lu hawn chu tlang an tlir hnu ah Sahlam-ah hian pi leh pu te huna an tih \hin danin khai a ni a, he khua a Sahlam hi Sahlam la ding zingah mi Lu khaina tam ber pawl nia sawi a ni. Mi lu lak leh Sahlam-a khai lemchan entir zawh hnu hian Selawn kawn-ah inkhawm chhawng hnihna hmangin Historical Village-a inpuan chhan te sawi a ni a, hemi hnu hian Bialtu MLA Lalrinliana Sailo chuan Chawngtlai khua chu Mizo Historical Village-ah a puang a ni. He hunah hian Pu Lalrinliana Sailo chuan hetianga khaw malkhai-a pipu te sulhnu tamna khua-a puan an ni chu lawmawm a tih thu a sawi a, khawvel changkang zelah pipute sulhnu chu a hlut tual tual avangin humhalh \hat a ngaih thu sawiin, Historical Village-a an inpuan chu Chawngtlai khaw inpumkhatna leh inlungrualna \ha zawk neih tirtu ni turin a duhsak thu a sawi bawk.