Aizawl New Market-a bomb puak ah thi leh hliam awmlo.

Dt. 22nd Feb. 2014 :

Nizan khan Aizawl New Market sa zawrhna hlui bulah bomb a puak leh a, mihring thi leh hliam erawh an awmlo thung.

He bomb hi nizan hmasa dar 11:30 vel khan Aizawl New Market sa zawrhna building \hiah tur KC Facepack lam ep lama puak a ni a, Aizawl Police Station a\anga thudawn danin he bomb puak hi Geletine nia rin a ni a, step lungrem tlem a tihchhiat bakah Bawngsa zawrhna building thirlen gate a tichhia a, a piaha Trade & Commerce Department quarter Assam Type building, Inspector Suaktluanga luah chu a darthlalang a tikeh nual a, a bang tile pawh a pawp nual bawk a, a bak chu thil tihchhiat lutuk a nei lo. He bomb puak avang hian mitthi leh hliam an awm lo a, Police te chuan thubuai ziaklutin he thil thleng hi ngawrh taka chhui nghal a ni. Bomb puahna hmun hi nimin khan Trade & Commerce Department Secretary, Pu B. Lalhmingthanga leh Director, Pu C. Lalzirliana te chuan an tlawh a, hemi hnu hian thuchhuah siam nghalin Bomb puahna hmun hi Sa zawrhna hmun Chhinga Veng lam bang hrul a nih thu leh he building hi a hlui tawh avanga \hiah (demolish) tura tih a nih thu tarlangin, he building chhunga sa zuartute hi Main Building chhungah senglut vekin an \hutna siamfel vek a nih tawh thu leh hetiang ah hian vui leh vaina an neih hriat a nihloh avangin anni a\ang hi chuan hetiang thil hi thleng thei ah Department chuan a ngailo tih an tarlang a. He building \hiahna tur hian Quotation Notice chu chhuah a nih tawh thu leh tun thla ni 26-ah hawn a nih tur thu tarlangin, ni 60 chhunga \hiat felin a sak \hatna tur hi NEC Shillong-ah dilin bawhzui reng a nih thu an tarlang bawk.