Latest News

Ruallung khaw nula sawisa in a pawisa ruk sak a ni.

Niminpiah chawhnu dar 2:00 vel khan Ruallung khaw nula kum 29 mi chu misual tutih hriatloh ten na taka sawisain, a pawisa Rs 8,900/- an laksak.
Thudawnna in a tarlan danin, niminpiah chawhnu dar 2:00 vel khan C Lalnuntluangi (29) d/o C Biakthanga, Ruallung khua chu a sumdawnna pawisa hlan turin an khaw \henawm Rulchawm-ah kal a tum a, a kalna kawngah hian mi tu tih hriat loh mipa 2 in a hnunglam a\anga chhu thlu in a pawisa an lak sak vek a, hliam na tak tuarin, Saitual damdawi In panpui a nih hnuah amahin damdawi in a admit a duh loh avangin he thu ziahlai hi chuan In lamah enkawl zui mek a ni. Thudawn danin C. Lalnuntluangi misual 2 in an vuakthluk na hmun hi Ruallung leh Rulchawm inkar Lungranghnuai hmun-ah niin, heng misual 2 te hian an vuakthluk hnu hian an hmel a hriat theih lohna turin bawkkhup zawngin lei ah an nawr bet a, nasa taka an chhir bakah a kawng vel ah na takin an \um bawk, hemi hnu hian kawng thlangah theh thla in, an paihna hmun pawh hi hmun awih tak a ni a, vanneihthlak takin C Lalnuntluangi metre 10 vel chauh a lum a, an paihna hmun a\anga a harhchhuah hnu in Rulchawm khua a a pawisa pek tur te Telephone a\anga biain, lakchhuah a ni ta a ni.

Comments

Popular News (Last 30 Days)