Inrinni kalta a Central YMA CEC thukhawm chuan Mizoram hmun hrang hrang atanga Branch YMA pali (4) siam thar rawtna chu a pawm a, heng Branch thar 4 zinga pathum hi Serchhip Sub-Hqrs. YMA hnuaia awm niin heti hian Mizoram pumah YMA Branch 815 a awm dawn ta a ni.
Mizoram-a COVID-19 hri kai enkawl te enkawlna hmun atanga chhuahtir dan tur ruahmanna thar chu pawm ni tawhin sawrkar in hriattirna a tihchhuah veleh hman a ni ang.
Supply Minister K. Lalrinliana chuan Mizoram-a buhfai chawkluhna ah harsatna a awm lo tih sawiin, tun dinhmunah thla 3 daih buhfai chhekkhawl sa Mizoram in a nei tih a sawi.
Mizoram Building and Other Construction Worker Welfare Board hnuaia inziaklut zinga COVID-19 vanga harsatna tawk mi 5 te hnenah COVID-19 Package pek an ni tawh.
Health Minister Dr. R. Lalthangliana chuan COVID-19 hri pui inkaichhawnna chhu chat turin theihtawp chhuah a ngai tih sawiin, “Hei hi lockdown kan kalpui chhan ber pawh a ni,” a ti.
Mizoram Governor tura ruat, Dr. Kambhampati Hari Babu chu nimin khan Raj Bhavan-ah rinawmna thu tiam tirin Mizoram Governor 22-na atan lakluh a ni ta a. Hri leng avanga inkharkhipna kalpui a nih leh mek avangin he hunah hian sawm bik mi tlemte chauh an tel a ni.
UPC (NEI) hnuaia Penticostal Youth Department (PYD) Serchhip Pastor Bial Conference in an lo rel tawh angin Inrinni khan Serchhip Pastor Bial PYD te chuan Serchhip Blood Bank-a dah turin thisen Unit 45 an pe a, thisen petute hi Mipa 22 leh hmeichhia 23 niin Blood Bank-ah kalin thisen hi an pe a ni. Serchhip Bial PYD-ah hian Tualchhung Kohhran 5 an awm mek a ni.
Mizoram sawrkar COVID-19 dona atana inkhuahkhirhna tun thla ni 24 thleng kalpui leh tura a ruahman angin Serchhip District-a inkaihhruaina kalpui dan tur pawh ruahman a ni leh ta.
Mizoram-a COVID-19 hri kai hmuhchhuah zat chu ala tlahniam thei tak tak lova, Inrinni khan Sample 4679 enfiah niin hri kai hmuh leh an ni a, Mizoram-a hri kai hmuhchhuah chu 27,153 an tling tawh a ni.
Kumin June 11, 2021 (Zirtawpni) zan dar 9:30 vel a mi 4 in nunna an chan phahna, Aizawl Thuampui Veng-a lungrem chim dan chu a chhui tura ruat Aizawl DC chuan chhui zo tawhin a report sawrkarah a thehlut tawh.