YMA Gen. Conference-ah a bikin Security ruahman

Central YMA chuan thuchhuah siamin kumin a YMA General Conference neih turah a bik takin Security chungchangah ruahmanna siam a nih thu an sawi.

Central YMA hian tun thla ni 30 a\anga Oct. 2 chhunga YMA General Conference vawi 69-na Ratu a neih tur chungchang an tarlang a, he an thuchhuah ah hian he Conference hmang tura Palai kal turte chu Branch hriatpui leh Branch in an thunun theih, ruihtheih thil leh mipat hmeichhiatna hmansual kawnga inthiarfihlim vek tura ngenin, YMA chu ritphurh inchhawk tawn a, midangte zangkhai \hintu an nih avangin, Mutbu leh zan riak buhfai bakah Thosilen te intodelh ni thei se tiin an tarlang a, Conference neihna tur hmun Ratu kawng chu kawngpui mam \ha tak leh tlan nuam tak a nih avangin Conference-a kal tur zawng zawng te kal lam leh haw lamah fimkhur turin an ngen bawk. Hei bakah hian khawmpui a chanvo pawimawh (Item) nei te chu Mizo hnam incheina a inthuam ni se tiin, Hmeichhia/Nula ten kekawr ha lovin, puan bih nise an ti a. Tin, mahni hun neih lai chauh ni lovin, khawmpui chhung zawng cham turin an ngen bawk.