Maxi Cab neitu ten lungawilohna an lantir \an. YMA in Bus service tir turin thuneitute ngen.

Serchhip District Maxi Cab Owners’ Association chuan Serchhip Bazar-a Maxi Cab Stand siam an phut nan nimin (Sept. 8, 2014) a\ang khan Serchhip-ah Maxi Cab service a awmlo a, YMA Sub-Hqrs. Serchhip chuan mipuite mamawh phuhrukna tur Bus ruahman turin thuneitute an ngen. 

Serchhip District Maxi Cab Owners’ Association hian Serchhip Bazar-a Maxi Cab te tana Stand siam an phut thu leh hei hi Sept. 8, 2014 hmaa tih hlawhtlin a nih loh chuan Sept. 8, 2014 a\anga an service te tiamchin awm lova tihtawp an lo rel tawh angin nimin Sept. 8, 2014 zing a\ang khan Serchhip-a Maxi Cab service te chu tihtawp a ni ta a. Hetianga service tihtawp a nih avang hian Maxi Cab neitute chu Serchhip khawpui chhimlam (Sailiamkawn) leh hmarlam (Bukpui)-ah te duty in Maxi Cab te chu service lo turin an ngen a ni. Hetihlai hian Serchhip District Addl. SP, Pu Lalbiakthanga chuan he thupek hi tih danglam theih a nih rihloh thu sawiin, he thupek hi tlawmngai pawl, VC leh Maxi Cab neitute aiawh kalkhawm in an rel a nih avangin sut mai theih a ni rihlo tih a sawi a. Maxi Cab neitute chuan an dinna chu ala ngai tih sawiin, an thilphut hi tih hlawhtlin a nih loh chuan nawrh zui zel an tum thu an saiw thung a ni.
    Hetianga Maxi Cab neitu ten lungawilohna lantira an service an tihtawp avanga mipui ten harsatna an tawh thlirin YMA Sub-Hqrs. Serchhip OB te chuan nimin Sept.  8, 2014 tlai khan YMA Sub-Hqrs. Office, Serchhip-ah Emergency Meeting neiin hemi chungchang hi an sawiho a. Hetianga sorkar leh Maxi Cab neitute inkara harsatna awm hi chinfel a nih theih nan hmalak nise tiin District Bawrhsap kaihhruaina hnuaiah a rang lama Meeting neiin hemi chungchang hi ngaihtuah nise an ti a. Maxi Cab neitu ten lungawilohna an lantir chhunga mipui, khualzin ten harsatna an tawh lohna turin District thuneitute chu a rang lama Aizawl leh Serchhip inkara Bus service tur ngaihtuah tura ngen nise an ti bawk.