Home Deptt. hmasawnna tura ruahmanna Chief Minister hovin sawiho a ni.

Home Department in hmasawnna tura ruahmanna an  chhawpchhuah te chu nimin Sept. 10, 2014 khan Chief Minister, Pu Lal Than-hawla hovin sawiho a ni a, Home Department hmachhawp 7 te sawiho a ni.

He hunah hian Chief Minister chuan hetianga thurawn a siamna chhan sawiin, kalphung thar \ha zawk kan neih theihna turte, sorkar hnathawk \henkhat inhlawhfa ang maia inngaihna an neihte tihreh a nihna tur atan te, inrenchem chunga sorkar kalpui a \ul avangte, kan thawhchhuah chhunga khawsak thiam kan zir a \ul avangte leh department hotu \henkhatin an enkawl department mamawh nilo, sum siam nana sum hman an chinte tihbo anih theihna tura departmente chu hmathar la tura rawn an nih thu a sawi a ni. He hunah hian Home Minister Pu R. Lalzirliana'n Home Department dinhmun a sawichhuah zingah Police mi leh sa, hnathawk thei lo tam tak an awm thu leh hengte hi Medical Board kaltlangin voluntary retirement anga kaltir theih dan ngaihtuah a \ul thu te, Police Officer te zingah an naute hah taka chhawr \hin an la awm chhunzawm thu leh hemi ti bo tur hian \anlak zel a ngai tih sawiin, Central Police Workshop din rawtna lo awm tawh chungchangah Home Department chuan a hmun tur a ruahman fel hnuah cheng nuai 175 a sak zawh tura ngaih a nih laiin, PWD te estimate nen a inmil theihloh avangin tun thlengin bul \an theih ala nihloh thu a sawi a, Central Workshop hi din a nih chuan Private Workshop te hnena Bill sang tak pek ngai \hin chu pumpelh theih beisei a ni, a ti.
    Hengte bakah hian khuarel chhiatrupna a thlen thulhah district tina ‘Civil Defence’ central sorkar rawtna ang din chungchang sawiho niin, chhiatrupna thlen mai theihna zingah Mizorama district zawng zawngte a tel vek thu tarlan a ni a. State dangah Civil Defence hna thawk tur hian Home Guard te hman an nih avangin Mizoram Home Guard te pawh hemi atana hman \angkai dan ngaihtuah nise an ti a, Civil Defence atana hman tur hian central sorkar chuan kum 2014–2017 chhung atan cheng vbc 11 chuang Mizoram sorkar a pe tawh tih pawh sawilan a ni bawk.