Civil Hospital ram chung-chang ngaihtuah dawn

Thla hlui Aug. 22-a Gauhati High Court Aizawl Bench thutlukna angin Chief Secretary Pi L. Tochhawng kaih-hruaina hnuaiah, Dawrpui Local Council tana Aizawl Civil Hospital ram sah thlak chungchang ngaihtuah nawn turin Committee din a ni.

Secretariat a\anga thudawn danin he Committee hi tunkar lo awm tur hian an \hukhawm nghal dawn a. Dawrpui Local Council hnena Aizawl Civil Hospital ram sahthlak a nih chungchang hi ngaihtuah in a \ul dana zirin a hmunah pawh an en mai thei nia thudawn a ni a. Dawrpui khawtlang hnena ram sah thlak a ni chung hian hun lo awm zel tur atana Doctor leh thawktu dangte awmna tur in sakna leh tih zauh leh zelna atan ram zau tawk a awm em tih chu he Committee ngaihtuah tur hi a ni a. High Court thupek ang chuan he Committee hian thla 2 chhungin an tihtur an zofel ang.
    Court thutlukna-a a lan dan chuan kum 2006 khan Mizoram sorkarin Aizawl Civil Hospital tihchang tlunna atan ruahmanna an thehlut a. Chu thil a kal mek lai chuan helai hmuna Health Department ram Land Lease no. BPL 339/83 chu \hen hrangin Dawrpui Multipurpose Centre dinna atan Patta No. DLL.209/2013 chu a lo piang ta a. Hei hi duh lovin Pi Vanramchhuangi chuan PRISM leh SOSA te nena \angrualin he ram sahthlak hi sut leh a, Dawrpui Multipurpose Centre atana ram bigha 2.85 Damdawi In tana pek let leh dilin High Court-ah PIL an thehlut ta a ni.