Mizoram-ah kumtlinglo chunga hleilenna a hluar zel.

Mizoram-ah nikum 2013, April a\anga kumin June, thla 16 chhung khan kumtlinglo (kum 18 hnuai lam), pawngsual tawk mipa naupang 11 leh hmeichhe naupang 37, an vaiin mi 48 an awm a, mipat/hmeichhiat rawngkai a khawih buai tawk 44 an awm bawk.

Mizoram State Child Protection Society hnuaia Child Welfare Committee (CWC) in a chhinchhiah danin, kum kalta 2013-2014 (April 2013- March 2014) chhung khan mipa/hmeichhe naupang kumtlinglo pawngsual tawk, CWC in a chhinchhiah zat chu a vaiin 33 a ni a, heng zinga mi 8 te chu mipa naupang niin, a dang 25 te chu hmeichhe naupang an ni. Hemi hun chhung vek hian mipat/hmeichhiatna rawngkai a khawihbuai tawk mi 38 awm bawkin, an zinga mi 8 te chu mipa naupang an nih laiin, midang 30 te chu hmeichhe naupang an ni. Kumin kan hman mek April-June chhung khan kumtlinglo pawngsual tawk mi 15 an awm leh tawh tih CWC record ah tarlan ni bawkin, heng zinga mi 3 te chu mipa naupang an nih laiin, midang 12 te chu hmeichhe naupang an ni. Hemi hun chhung hian mipat/hmeichhiat rawngkaia khawih buai tawk mi 6 awm bawkin, an vaiin hmeichhe naupang vek an ni. Nikum April a\anga kumin June thleng khan CWC in kumtlinglo te chunga pawikhawihna thleng thubuai an khawih zawng zawng hi 1722 zet a tling a, heng zinga thubuai 911 chu mipa naupang chunga thleng niin, a dang 811 te chu hmeichhe naupang chunga thleng a ni.
    Thla 16 chhunga CWC in thubuai an khawih hrang hrang zingah hian Child Marriage thubuai 2 awmin, hemi tuartu hi hmeichhia kumtlinglo ve ve an ni a, Rukbo (Abducted) 3, mipa naupang 1 leh hmeichhe naupang 3 awmin , Tlanbo (Runaway) 45, mipa naupang 27 leh hmeichhe naupang 17 an awm a, an nu leh pa leh chhung leh khat ten an hlamchhiah/thlahthlam (Destitute) mipa naupang 92 leh hmeichhe naupang 56, an vaiin 148 zet an awm bawk. Heng bakah hian naupang kumtlinglo chunga pawikhawihna chi hrang hrang \hahnemtak CWC chuan chhinchhiah leh buaipui an nei bawk a ni.