Latest News

NLUP-a One Village–One Crop kalpui turin Serchhip District-ah ruahmanna peihfel thawkhat.

NLUP hlawhtling lehzuala kalpui anih theih nan sorkar  in NLUP 3rd & 4th Phase-a ‘One Village–One Crop’ a kalpui turah Ser-chhip District-ah ruahmanna peihfel thawkhat a ni tawh.
Mizoram sorkar in NLUP a kalpui mekah 3rd Phase leh 4th Phase-ah chuan ‘One Village – One Crop’ hi kalpui tum niin Serchhip District-ah hian NLUP 3rd phase dawngtu 2102 leh 4th Phase dawngtu 1247 an awm a, Serchhip Cluster bikah NLUP 3rd Phase dawngtu 716 awmin 4th Phase bikah 415 an awm a. Tunah hian Serchhip District chhunga khaw hrang hrangte chuan an khua a Trade kalpui tura an duh te thlang fel tawhin heng an Trade thlan te hi pawmpui turin Aizawl-ah thawn thlak mek a ni. One Village-one Crop hi khaw khata Trade khat chauh kalpui tura ruahman nimahse kawng hrang hrang avangin he thil hi kalpui vek theih a ni lova, \anpuina dawng tur te remchanna leh eizawnna kawng an neihsa tawh avangte in heng mite hi an eizawnna neih sa leh hmalak tawh sa anga \anpuina pek an ni a, hetihlai hian One Village-one crop hi a theih chen chenah kalpui tura ruahmanna hi siam a ni.
    Tuna ruahmanna a\anga a lan dana khaw hrang hranga NLUP kalpuitu tur Department te chu 3rd Phase-ah Serchhip-I ah AH & Vety leh Industry; Serchhip-II Industry, AH & Vety leh Agriculture Department; Serchhip-III ah Industry, Horticulture leh AH &Vety; Serchhip-IV ah AH & Vety leh Industry; Serchhip-V ah Industry leh AH & Vety; New Serchhip-ah AH & Vety leh Industry; Thenzawl East, West leh North-ah Industry leh Agriculture leh Chhiahtlang-ah AH&Vety, Agriculture leh Industry te kalpui bik a ni ang. Buangpui leh Neihloh-ah Industry kalpui bik a ni ang. NLUP 4th Phase-ah Serchhip Cluster-ah Industry leh AH & Vety Department hnuaiah NLUP hi kalpui bik a ni ang a, a dawngtu te remchan dan anga trade dang kalpui a awm bawk ang. NLUP 4th phase-a One Village One crop kalpui tura ruahmannaa a lan danin Serchhip Cluster-ah hian Sericulture, Soil & Water Conservation leh Forest Department hnuaia trade thlangtu an awm lo a, Chhiahtlang-ah AH&Vety leh Agriculture te kalpui a ni bawk ang.

Comments

Popular News (Last 30 Days)