Nurse pawl 3 ten an nawrhna an titawp tih an sawi.

/
Sorkar in Nurse a lak dana lungawilo Nurse Pawl hrang hrangte chuan Health Minister an kawm hnuah nimin a\ang khan an nawrhna chu tihtawp an remti.
Health Minister Pu Lal Thanzara chuan nimin Sept. 2, 2014 khan a Office-ah Nurse Association hrang hrang hruaitute kawm in sorkar hmalakna ti\huanawp zawng hma la tawh lo turin a ngen a. Nursing Examination chungchang ah Exam buatsaihtu MPSC chu thuneihna tawp neitu a nih bakah Autonomous body a nih avangin sorkar in a duh ang anga thu a pek theih a ni lo tih sawiin, MPSC chunga lungawilohna lantir chu a kawng hmang lova, buaina siamtute phei chu exam thei tawh ngailo tur hial in MPSC hian a duh thu leh zah a ngailo a nih phei chuan a blacklist thei a ni tih a sawi a. Nawrh huaihawttu Nurse Association hruaitu zingah leh buaina siamtu te zingah sorkar hnuaia Contract Nurse tam tak an tel chu dan bawhchhiatna a nih thu sawiin, phalna la hmasa chuan Secretary aia hnuai tan chuan Press Conference huaihawt leh chanchinbu mite lo kawm a thianloh bakah sorkar hmalakna ti bahlah zawnga harsatna siam \hin sorkar hnathawkte chu dan anga hrem theih an nih thu a sawi bawk a ni.
    He inkawmna ah hian Nurse pawl hruaitute chuan an lungawi lohna te leh an thilphut chungchang te sawifiahin Health Minister ngenna anga an nawrh tihtawp an remti tih an sawi a, MPSC Office leh a chhehvel a poster intar chungchang chu an hriatpui loh thu leh pawi an tih thu sawiin, inhriatthiam tawk lohna avanga Exam buatsaih-ni a exam ve theilo te an exam leh theih nan sorkar in Exam hi buatsaih \hat sak leh tur in an ngen bakah Nurse hna lak a nih in Nurse Graduate Senior zawkte chu duhsak ni \hin se an duh thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »