Mizoram kawngpui siam\hatna turin World Bank nen inrem.

Mizoram sorkar leh World Bank hotute chuan Mizoram kawngpui siam\hatna tur The Mizoram State Roads II – Regional Transport Connectivity Project ah inremna thuthlung August ni 28, 2014 khan an ziak.

He project kalpuina atan hian World Bank hian Mizoram sorkar chu US Dollar maktaduai 107 a puktir dawn a ni. World Bank Website in a tarlan danin he project hmang hian Mizoram leh Hmarchhak state dangte inkalpawhna bakah \henawm ram Bangladesh, Nepal, Myanmar leh Bhutan nena inkalpawhna kawngpui siam a ni dawn a, Mizoram chhunga inkalpawhna kawngpui awmsa Tlabung kaltlanga Lunglei a\anga Bangladesh ramri, Kawrpuichhuah thleng km 91 a thui te, km 27.05 a thui, Champhai a\anga Zokhawthar inkar kawngpui leh Chhungkhum a\anga Chawngte North leh South inkar km 41.07 a thui te thuam\hat a ni dawn a, hei bakah hian km 330 a thui kawng thar siam a ni dawn a, he project kalpuina atan hian World Bank hian Mizoram sorkar ah US Dollar mtd. 107 a puktir dawn a ni. Mizoram kawngpui siam\hatna tur ‘The Mizoram State Roads II – Regional Transport Connectivity Project’ inremna thuthlungah hian Finance Ministry a\angin Joint Secretary, Deptt. of Economic Affairs, Ministry of Finance Nilaya Mitash, Mizoram sorkar aiawh Resident Commissioner Ranbir Singh leh Onno Ruhl, World Bank Country Director of India ten hming an ziak a ni.