Seconhand Smoke \halohzia hriat in awmzia nei tamlo!

Mizoram-ah meizuk khua (seconhand smoke) a \hatlohzia hre chunga mahni In chhunga meizuk phal tho 98% an awm tih Mizoram State Tobacco Control Society (MSTCS) hotute chuan an sawi.

Nimin Sept. 22, 2014 khan Tobacco Quitters of Mizoram (TQM) huaihawtin Aijal Club-a zuk leh hmuam bansantute hnenah training programme neih ah he thu hi Dr. Jane R. Ralte, SNO cum PO, MSTCS chuan a sawi a, he hunah hian Dr. Jane R. Ralte chuan Seconhand smoke hi mahni In lamah 96.5% leh hnathawhna hmunah 64.6% ten an la tuar cheu nia sawiin, Mizo zingah hmeichhia aiin mipa ten meizuk an sim (bansan) an awlsam zawk niin a sawi a, “Kan thil hriat hian kan ngaihtuahna tidanglamin kan thiltih \halote a thlak tur a ni,” a ti. He hun hmanpuitu Pi Lal Riliani, President, ISTM, Mizoram Chapter chuan “Zuk leh hmuam hi mithiam te chuan drugs chi khat, ‘Tur nung’ a ni’ an ti a. Hemi avanga damlote enkawlna, damdawi In tam takah Mizoram sorkar-in leiba a neih phah a. Hrisel leh dam \hat kan duh chuan heng hi kan bansan tur a ni, a ti bawk.